Ekranizacyja Pielevina z udziełam repiera Aksimirona nie vyjdzie ŭ rasijski prakat
Film «Ampir V», u jakim źniaŭsia rasijski repier Oxxxymiron, nie vyjdzie ŭ rasijski prakat 31 sakavika. Pra heta paviedamlaje «Zierkało» sa spasyłkaj na «Kinopoisk».
Premjeru admianili ci pieranieśli, bo Ministerstva kultury Rasii nie vydała filmu prakatnaje paśviedčańnie.
«Ampir V» ‒ fentezijnaja drama, ekranizacyja ramana Viktara Pialevina «Empire V». Hety film ‒ adzin ź niamnohich, jakija płanavali pakazać u biełaruskim kinaprakacie. Paśla pačatku vajny va Ukrainie bujnyja suśvietnyja kinastudyi admovilisia pracavać z Rasijaj, z-za čaho źbiadnieŭ repiertuar i biełaruskich kinateatraŭ.
Da taho ž Pielevin ‒ adzin z samych papularnych rasijskich piśmieńnikaŭ, u tym liku i ŭ Biełarusi. Jak i repier Oxxxymiron — papularny vykanaŭca, jaki, darečy, nie padtrymaŭ rasijskuju ahresiju va Ukrainie.