Znajści
Ałharytmičny łacinski varyjant
24.04.2022 / 18:15RusŁacBieł

Repiery Kalush Orchestra: ukraincy, jakija mohuć vyjhrać «Jeŭrabačańnie»

Fołk-rep-hurt Kalush Orchestra — adzin z favarytaŭ sioletniaha «Jeŭrabačańnia», jakoje startuje mienš čym praź miesiac, 10 maja. Znajomimsia bližej ź niezvyčajnymi śpievakami.

Fota: MAXIM FESENKO 

Vakalist Kalush Orchestra Aleh Psiuk daznaŭsia pra toje, što jaho hurt jedzie na «Jeŭrabačańnie», usiaho za niekalki dzion da pačatku vajny. Jon nazyvaje vystup na konkursie mahčymaściu dapamahčy svajoj krainie muzykaj — tak, jak ličyć Psiuk, jon moža być maksimalna karysny.

Śpiavak naradziŭsia ŭ horadzie Kałuš, što ŭ Prykarpaćci, i z padletkavaha ŭzrostu sprabavaŭ siabie ŭ repie. Śpievaka asabliva natchniaŭ Eminiem — Aleh ličyŭ, što moh by čytać rep hetak ža jakasna, jak i amierykanskija zorki, piša The Times.

Upieršyniu pra Kalush — hurt nazvali ŭ honar rodnaha horada Aleha — zahavaryli ŭ 2019 hodzie, kali ich debiutny sinhł «Nie marinuj» nabyŭ šalonuju papularnaść. Dalej byli kancerty pa ŭsioj Ukrainie, miljony prahladaŭ u Youtube i prasłuchoŭvańniaŭ na Spotify. Pastupova Psiuk stvaryŭ paralelny prajekt Kalush Orchestra, bolš aryjentavany na fołk-muzyku, i pačaŭ pracavać z abodvuma hurtami. Mienavita z druhim prajektam jon i jedzie na «Jeŭrabačańnie».

Ale ž ciapier pryjarytety źmianilisia i sama muzyka — nie hałoŭnaje zaraz. Psiuk arhanizavaŭ vałanciorskuju kamandu, jakaja dapamahaje biazdomnym ukraincam pa ŭsioj krainie znachodzić prytułak, transpart i leki. Usie členy hurta tak ci inakš zadziejničanyja ŭ abaronie krainy. Tancor Kalush Orchestra Słavik Hnacienka navat dałučyŭsia da kijeŭskaj terabarony i admoviŭsia ad vystupu na «Jeŭrabačańni», kab abaraniać svaju krainu.

Trochi dziohciu: svaju pucioŭku na «Jeŭrabačańnie» hurt atrymaŭ u nieadnaznačnych abstavinach. Pieršapačatkova Kalush Orchestra zaniali druhoje miesca na nacyjanalnym adbory, ale ž potym vyśvietliłasia, što pieramožca adboru, śpiavačka Alina Paš, u 2015 hodzie nielehalna naviedvała Krym praz terytoryju Rasii. Tady arhanizatary nacadboru prapanavali Psiuku i jaho muzykam pajechać na konkurs zamiest apalnaj śpiavački.

Niezadoŭha da konkursu hurt atrymaŭ dazvoł vyjechać z Ukrainy, kab pravieści nievialiki proma-tur. Muzyki nie tolki pradstaŭlajuć svaju tvorčaść, ale i spryjajuć tamu, kab jeŭrapiejcy bolš achviaravali na dapamohu Ukrainie. Narešcie, vystupy ŭ Jeŭropie dajuć Kalush Orchestra redkuju dla ich mahčymaść paśpiavać razam — pierad vialikim konkursam heta vielmi važna.

Samomu ž Psiuku bolš za ŭsio padabajecca toje, što «Jeŭrabačańnie» daść jamu mahčymaść praz svaju muzyku raspavieści pra Ukrainu — bo Kalush Orchestra stvaraje nie prosta rep, a rep z falkłornymi matyvami: «My biarom niešta ad našych prodkaŭ, toje, čamu ŭžo sotni hadoŭ i što inšyja paličyli b adžyŭšym i zanadta starym, i dadajom da hetaha novyja rytmy. Tak my abjadnoŭvajem niešta staroje i niešta novaje, i ŭ vyniku stvarajem niešta pryhožaje».

«Naša Niva» adnaŭlaje zbor danataŭ — padtrymać prosta

Čytajcie taksama:

«Oj u łuzi čiervona kalina». Hałoŭnyja pieśni ŭkrainskaha zmahańnia AŬDYJA

«Ŝie nie vmierła…» Najlepšyja chory i arkiestry śvietu vykonvajuć himn Ukrainy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera