Znajści
Ałharytmičny łacinski varyjant
24.04.2022 / 09:24RusŁacBieł

Arastovič: Za biełaruskuju terytoryju ciapier možna nie chvalavacca

Daradca Ofisa Zialenskaha Alaksiej Arastovič daŭ vialikaje intervju «Mieduzie», u jakim praanalizavaŭ dva miesiacy rasijskaj ahresii. Zakranuŭ jon i pytańnie ŭdziełu Biełarusi ŭ hetaj vajnie.

Fota: UNIAN

«Biełaruś sprabavali ŭciahnuć u vajnu vielmi aktyŭna. Łukašenka vichlaje jak moža — i, pa našych danych, aktyŭna viadzie sieparatnyja pieramovy z Zachadam. Nam i biełaruskaja apazicyja pra heta kaža, i zachodniaja raźviedka. Jany kažuć biez padrabiaznaściaŭ, ale ahulny charaktar: «Ja nie vinavaty, jon sam da mianie pryjšoŭ». Ale biełaruskaja terytoryja i biełaruskaja vajennaja infrastruktura — aeradromy, bazy zabieśpiačeńnia, čyhunačnaja sietka — całkam vykarystoŭvalisia suprać nas. Adtul puskali rakiety, lotała avijacyja, nastupali vojski. Heta pa aznačeńni źjaŭlajecca vajennaj ahresijaj.

Ale my śpiecyjalna nie stavili hetaje pytańnie, bo my razumiejem samu Biełaruś i vielmi vyrazna padzialajem biełaruski narod i biełaruskija ŭłady. A toje, što biełaruski narod byŭ suprać, my bačyli.

Ciapier biełaruskuju terytoryju vykarystoŭvajuć užo vielmi mała, praktyčna nie vykarystoŭvajuć. Avijacyja ŭžo daŭno nie dziejničaje, rakietami praktyčna nie stralajuć. Nu paru epizadyčnych puskaŭ było. A jašče biełaruskija partyzany ŭmudrylisia sapsavać čyhunačnuju sietku. Ja ich da hetaha zaklikaŭ, i na mianie ŭ Biełarusi zaviali kryminalnuju spravu za teraryzm. Ale, jak bačycie, nie darma zaklikaŭ. Realna sapsavali, i realna vielmi mocna ŭskładnili žyćcio rasijskim vojskam. A Łukašenka zdoleŭ adpiatlać. I za biełaruskuju terytoryju možna bolš nie chvalavacca», — reziumavaŭ Arastovič.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
298
Панылы сорам
16
Ха-ха
17
Ого
7
Сумна
0
Абуральна
10
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera