Ukrainski ŭrad zakryŭ niekalki marskich partoŭ da deakupacyi terytoryj
Ukrainskaje Ministerstva infrastruktury vyrašyła zakryć marskija party Biardzianska, Maryupala, Skadaŭska i Chiersona da taho času, pakul hetyja terytoryi nie budzie vyzvalenyja ad rasijskaj akupacyi. Adpaviedny zahad pryniali 28 krasavika, paviedamlaje pres-słužba ŭrada.
Port u Biardziansku
Rašeńnie pryniali z-za niemahčymaści absłuhoŭvać sudny i pasažyraŭ, pravodzić hruzavyja, transpartnyja i inšyja źviazanyja z usim hetym vidy haspadarčaj dziejnaści. Taksama z-za rasijskaha ŭvarvańnia Ukraina nie moža harantavać patrebny ŭzrovień biaśpieki sudnachodstva i zabiaśpiečvać achovu navakolnaha pryrodnaha asiarodździa.
Pracu partoŭ ŭ Biardziansku, Maryupali, Chiersonie i Skadaŭsku abiacajuć adnavić paśla pieramohi Ukrainy ŭ vajnie.
Błakavańnie Rasijaj ukrainskich marskich partoŭ mocna ŭpłyvaje na mahčymaści krainy ekspartavać zbožža. Kali da vajny Ukraina mahła štomiesiac pastaŭlać 4 miljony ton zbožža, to ciapier hety pakazčyk znachodzicca na ŭzroŭni tolki 600—800 tysiač ton, zajaŭlaŭ namieśnik staršyni Usieŭkrainskaj ahrarnaj rady Dzianis Marčuk.
