Znajści
Ałharytmičny łacinski varyjant
01.05.2022 / 13:43RusŁacBieł

Analena Bierbak: Sankcyi z Rasii buduć źniatyja tolki paśla vyvadu vojskaŭ, a da Pucina davieru nie budzie nikoli

Ni ŭmovy Rasii dla adnaŭleńnia miru va Ukrainie, ni viartańnie davieru da Pucina ŭ Hiermanii nie abmiarkoŭvajuć. Sankcyi z Rasii buduć źniatyja tolki ŭ tym vypadku, kali jana vyviedzie svaje vojski z Ukrainy, adnak da prezidenta Rasii Uładzimira Pucina davieru ŭ Hiermanii nie budzie bolš nikoli. Pra heta zajaviła ministarka zamiežnych spraŭ Hiermanii Analena Bierbak u intervju haziecie Bild.

Analena Bierbak

«Sankcyi buduć źniatyja tolki ŭ tym vypadku, kali Rasija vyviedzie svaje vojski», — adznačyła kiraŭnica niamieckaha MZS.

Bierbak padkreśliła, što prosta spynieńnia ahniu niedastatkova. Heta moža być tolki pieršym krokam dla źniaćcia sankcyj. Pa jaje słovach, mir na ŭmovach, pradyktavanych Rasijaj, taksama źjaŭlajecca nieprymalnym.

«Heta nie pryniasie žadanaj biaśpieki ni Ukrainie, ni nam u Jeŭropie. U najhoršym vypadku heta było b zaprašeńniem da nastupnaj vajny — jašče bližej da našych miežaŭ», — adznačyła Bierbak.

U toj ža čas, jak vynikaje z zajavy kiraŭnicy niamieckaha MZS, luboje rašeńnie pa sankcyjach nie viernie Hiermaniju da raniejšych adnosin z prezidentam RF Uładzimiram Pucinym.

«My bolš nikoli nie zmožam spadziavacca na abiacańni Pucina. Heta bolš, čym adsutnaść vajny, heta pra biaśpieku žyćcia ŭ svabodzie. Ale Pucin niezvarotna razburyŭ mirny paradak, jaki my viedali ŭ Jeŭropie. Jak by my ni chacieli hetaha, niama šlachu nazad da časoŭ da 24 lutaha», — adznačyła Bierbak.

Jana taksama dadała, što nieabchodna dapamahčy Ukrainie być dastatkova mocnaj, kab kraina mahła ŭsio vyrašać sama za siabie.

«Tamu što mienavita ŭkraincy hinuć u hetaj vajnie, i im pahražajuć hanieńni dy tyranija pad rasijskaj akupacyjaj. Nichto nie maje prava naviazvać im praviły», — skazała ministr.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera