Znajści
Ałharytmičny łacinski varyjant
04.05.2022 / 00:12RusŁacBieł

«Livierpul» dvojčy prapuściŭ ad «Viljareała» i ledź nie vylecieŭ ź Lihi čempijonaŭ. Adnak kambek paśla pierapynku skiravaŭ anhličan u finał

Pieramožca Lihi Jeŭropy navat paśla 0:2 na «Enfiłdzie» zastaŭsia kłubam sa stryžniem — i doma ledź nie vybiŭ hranda z paŭfinała. Adnak kłas anhličan dy pamyłki kipiera Ruli pieravažyli samaaddanaść ispancaŭ, što harantavała miersisajdcam pucioŭku ŭ hałoŭny matč hoda.

«Viljareał» šakavaŭ «Livierpul» presinham i efiektyŭnaj kanviertacyjaj halavych momantaŭ. Fota: Uefa.com

Heta moža padacca varjactvam, adnak siamiu apošnimi ŭdarami ŭ stvor «Viljareał» zabiŭ siem hałoŭ u Lizie čempijonaŭ. Para apošnich prylacieła ŭ bramu «Livierpula» viečaram aŭtorka — dy jašče da pierapynku. I takim čynam uraŭnavažyła paŭfinalnyja šali: paśla 0:2 na «Enfiłdzie» pieramožcy Lihi Jeŭropy adnavili nie tolki reputacyju, ale i lik pa sumie sieryi.

Adrazu ž uzhadałasia, što «submaryna» na papiarednim etapie patapiła miunchienskuju «Bavaryju», a ich nastaŭnik Unai Emiery ličycca ledź nie najlepšym śpiecyjalistam pa kubkavych batalijach u najnoŭšaj kłubnaj historyi.

Da taho ž ispancy abmiežavali dakładnaść pieradač «Livierpula» za 45 chvilin usiaho 66 adsotkami — antyrekordnym pakazčykam siezona.

Tamu ŭ pieraŭtvareńnie futbolnaj Papiałuški ŭ sapraŭdnuju pryncesu pakrysie pačali vieryć nie tolki fany «Viljareała», ale i ekśpierty z žurnalistami. Asabliva kali ŭzhadvałasia, što toj ža Kaklen, jaki zabiŭ druhi hoł «submaryny», za karjeru mieŭ ŭsiaho piać (!) trapnych strełaŭ.

Da žalu ispancaŭ, Liha Čempijonaŭ nadzvyčaj redka karystajecca halivudskimi scenarami pry napisańni svaich siužetaŭ. Tamu «Livierpul» davoli chutka sapsavaŭ kazačnuju historyju haspadaroŭ prozaj žyćcia.

Skarystaŭšysia pamyłkami kipiera haspadaroŭ Ruli, spačatku Fabińja zabiŭ pieršy hoł za anhlijski kłub u top-turniry (na palach ŁČ brazilec uvohule z 2017-ha nie vyznačaŭsia), a paśla Łuis Dyjas adnaviŭ raŭnavahu.

Kali ž hulać zastavałasia čverć času, Sadźjo Mane ŭvohule davioŭ Staromu Śvietu, što miersisajdcy, badaj, najlepšaja kamanda na prastorach kantynienta za apošnija piać hadoŭ, kali razhladać u sukupnaści spartyŭny vynik dy vidoviščnaść hulni. Jahony miač pastaviŭ kropku ŭ sustrečy dy zaćvierdziŭ «kambek» anhličan usiaho za tuzin chvilin druhoha tajma — z 62 pa 74 chviliny.

U finale hoda «Livierpul», jaki patrapiŭ tudy treci raz z 2017-ha, pazmahajecca ź pieramožcam pary «Reał» — «Mančester Sici». Tytulny dvuboj adbudziecca 28 traŭnia na paryžskaj arenie «Stad de Frans».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera