Fantástico! «Reał» vylataŭ ź Lihi čempijonaŭ, adnak zabiŭ «Man sici» dvojčy na apošniaj chvilinie asnoŭnaha času, a paśla pieramoh u aviertajmie
Aŭtar dubla Radryha źjaviŭsia na poli tolki ŭ siaredzinie druhoha tajma, adnak paśpieŭ vyratavać ispancaŭ ad, padavałasia, niepaźbiežnaj parazy. Tady jak u ekstra-tajmie Karym Bienziema ŭvohule aformiŭ tryumf Madryda.
Karym Bienziema paŭtaryŭ rekord vynikovaści Kryšcijanu Ranałdu ŭ płej-of Lihi čempijonaŭ. Fota: Uefa.com
Hoł Ryjada Mareza na 73-j chvilinie skiravaŭ «Sanćjaha Biernabeŭ» u emacyjnuju biezdań, a suśvietnyja miedyja pačali zasypać ałžyrca kamplimientami. Maŭlaŭ, čałaviek, jaki zaraz zrabiŭ ahulny lik paŭfinała 5:3 na karyść «Sici», — niezaŭvažny hieroj usiaho siezona «haradžan». Tady jak na samoj spravie ŭniosak paŭabaroncy niemahčyma pieraacanić.
24 goals in all competitions for Man City this season ⚽️
Riyad Mahrez's left foot is magic #UCLpic.twitter.com/NFNvVHzKY5
Trapny streł staŭ dla futbalista 24-m va ŭsich turnirach siezona, što vyvieła jaho na druhi radok u tabieli efiektyŭnaści pradstaŭnikoŭ anhlijskaha futboła. Bolej za 30 razoŭ za hod z hulcoŭ Premjer-lihi adznačaŭsia tolki Machamied Sałach, ale hienij jehipcianina ŭžo daŭno pryznany śvietam. Tady jak Marez zaŭsiody zastavaŭsia ŭ cieniu.
Paradoks, ale tam ža jon apynuŭsia i paśla zakančeńnia paŭfinała sierady. Chacia sychodziŭ z pola pry rakiroŭcy na Fiernandyńja pad vopleski haściavoj trybuny. Śviata, słavu i pucioŭku ŭ finał u ałžyrca z paplečnikami adabraŭ Radryha.
HISTORIC.
Rodrygo becomes the first player to score twice in the 90th minute of a Champions League knockout match ⚽️⚽️#UCLpic.twitter.com/cSrfAy9BSM
Forvard «Reała» źjaviŭsia na poli tolki na 69-j chvilinie — i finalny adrezak druhoha tajma byŭ niezaŭvažny. A kanviertuj Džek Hryliš jašče paru svaich halavych momantaŭ u hały pad zasłonu supraćstajańnia, pra brazilca, mabyć, uvohule nichto b nie zhadaŭ. Adnak paŭabaronca zbornaj Anhlii schibiŭ, tady jak Radryha sarvaŭ bank.
Spačatku na 90-j, a paśla i na 91-j chvilinach jon prabiŭ suajčyńnika Edersana. I kali napačatku jahony pośpiech «Reału» aničoha, akramia suciašeńnia, nie nios, to paŭtorny pośpiech aktyvavaŭ aviertajm.
Tam u «Sici» šancaŭ užo nie było, bo madrydski kłub u składanych dy pahraničnych situacyjach abaviazkova pryciahvaje da siabie ŭdaču. Tak skłałasia histaryčna — tak śćvierdziłasia i ŭ sučasnaści. Na 95-j chvilinie «błankas» atrymali prava na pienalci, jaki biezdakorna realizavaŭ Karym Bienziema. Miač staŭ dla francuza 10-m u hetym płej-of, što paŭtaryła rekord Kryšcijanu Ranałdu siezona-2016/17.
43 goals in 43 official games with Real Madrid this season. 15 goals in 11 Champions League games this season. ⚪️⭐️ #UCL
Don Karim Benzema.
Incredible. pic.twitter.com/VJesnoJOUc
Ale kudy bolš važnym i dla vieterana, i dla jaho paplečnikaŭ było toje, što hoł akazaŭsia pieramožnym. U čas, jaki zastavaŭsia da finalnaha śvistka, lik nie źmianiŭsia. Za što, darečy, Madryd pavinien dziakavać svajmu bramniku: sejvy Kurtua dazvolili haspadaram prabicca-taki ŭ finał.
Tam «Reał» sustreniecca ź jašče adnoj anhlijskaj kamandaj, «Livierpulem». Matč adbudziecca na paryžskaj arenie «Stad de Frans» 28 traŭnia.
