Znajści
Ałharytmičny łacinski varyjant
14.05.2022 / 00:05RusŁacBieł

Łukašenkaŭcy dabivajuć apošnija biełaruskija vydaviectvy

Ministerstva infarmacyi na try miesiacy prypyniła dziejnaść vydaviectvaŭ «Limaryus» i «Knihazbor». Pra heta paviedamlajecca na sajcie viedamstva.

Knihi sa słavutaj sieryi «Biełaruski knihazbor» i jaje zasnavalnik, piśmieńnik Kastuś Ćvirka

Farmalnaj padstavaj dla prypynieńnia dziejnaści stała parušeńnie «terminaŭ zvarotu ŭ Ministerstva infarmacyi Respubliki Biełaruś z paviedamleńniem ab źmienie źviestak, jakija padlahajuć uklučeńniu ŭ Dziaržaŭny rejestr vydaŭcoŭ, vytvorcaŭ i raspaŭsiudžvalnikaŭ drukavanych vydańniaŭ».

Dziejnaść vydaviectvaŭ prypyniajecca z 16 maja.

Vydaviectva «Limaryus» zasnavaŭ Alaksandr Fiaduta, jaki ciapier znachodzicca ŭ SIZA KDB pa abvinavačvańni ŭ zmovie z metaj zachopu ŭłady niekanstytucyjnym šlacham (častka 1 artykuła 357 KK).

Vydaviectva «Knihazbor» užo pryciahvała ŭvahu siłavikoŭ letaś. Dyrektara vydaviectva Hienadzia Viniarskaha vyklikali na dopyt, rachunak vydaviectva niejki čas byŭ zabłakavany, ale paźniej pretenzii byli źniatyja.

Raniej ułady prypynili na tyja ž try miesiacy dziejnaść vydaviectva «Halijafy».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera