Zatrymany staršynia Biełaruskaha niezaležnaha prafsajuza Maksim Paźniakoŭ
Zatrymlivali jaho ludzi ŭ cyvilnym, na aŭtamabili biez apaznavalnych znakaŭ.
Siońnia ranicaj u Navapołacku byŭ zatrymany staršynia Biełaruskaha niezaležnaha prafsajuza Maksim Paźniakoŭ.
Jaho zatrymali la dziciačaha sadka, kudy jon advoziŭ dziaciej, paviedamlaje «Viasna».
Zatrymlivali jaho ludzi ŭ cyvilnym, na aŭtamabili biez apaznavalnych znakaŭ.
Nahadajem, što 15 pradstaŭnikoŭ niezaležnych prafsajuzaŭ byli zatrymanyja ŭ siaredzinie krasavika, u ich damach prajšli pieratrusy. Častku adpuścili pa adbyćci 10 sutak.
Za kratami praciahvajuć znachodzicca Alaksandr Jarašuk, Siarhiej Antusievič, Hienadź Fiadynič, Vacłaŭ Areška, Michaił Hromaŭ, Iryna Bud-Husaim, Mirasłaŭ Sabčuk, Janina Małaš, Vital Čyčmaroŭ, Vasil Bieraśnioŭ. Jany pryznanyja pravaabarončaj supolnaściu palitviaźniami.