Znajści
Ałharytmičny łacinski varyjant
20.05.2022 / 09:13RusŁacBieł

Ci sapraŭdy tanna žyć u Hruzii? Raskazvajuć biełarusy

Hruzija stała adnoj z najbolš papularnych krain, kudy biełarusy biahuć ad represij i bojazi być mabilizavanymi. Našy hramadzianie mohuć patrapić tudy bieź vizy. Da taho ž Hruzija ličyłasia tannaj. Ale ci tak heta ciapier? «Naša Niva» pacikaviłasia, kolki kaštuje žyćcio ŭ hetaj krainie.

«U Tbilisi kvatery zdajuć pa 600-1000$»

Naša surazmoŭnica žyvie ŭ Hruzii ź siaredziny leta 2021 hoda. Da pierajezdu ŭ hetuju krainu jaje schilili siabry, jakija kazali, što žyć tam tanna. Ale Kryścina (imia źmienienaje pa prośbie hieraini) pa prybyćci na miesca zrazumieła, što heta nie zusim tak.

«Za arendu adnapakajovaj kvatery-studyi ŭ spakojnym rajonie Tbilisi raniej ja płaciła 200 dalaraŭ u miesiac, ciapier 250, ale haspadynia kaža, što budzie jašče daražej. Ź jaje słoŭ, raniej u siezon jana zdavała jaje za 400$», — kaža Kryścina.

Ceny na słaniečnikavy alej u Hruzii. 1 rubiel — kala 1,2 łary

Dziaŭčyna sumniavajecca ŭ tym, što raniej chtości moh zdymać hetuju kvateru za takuju sumu, ale ŭ toj ža čas adznačaje, što paśla 24 lutaha ceny na arendu žylla ŭ Hruzii mocna padskočyli.

«Paśla pačatku vajny ŭ Hruziju stała pryjazdžać šmat ludziej ź Biełarusi i Rasii. U vieraśni 2021 hoda kvatery ŭ Tbilisi zdavali pa cenach ad 100 da 500$. Ciapier 600-1000$.

Kamunalnyja pasłuhi niedarahija, kali nie ličyć zimovyja miesiacy, kali davodzicca karystacca hazavym katłom abo kandycyjanieram dla aciapleńnia (takaja sistema ŭ bolšaści damoŭ). U chałodnyja miesiacy kamunałka za adnapakajoŭku vychodziła blizu 110-120 rubloŭ, plus kala 40 rubloŭ za internet. U siabroŭ, jakija žyvuć u kvaterach bolšaj płoščy, tolki za haz u samyja chałodnyja miesiacy sychodziła kala 200 rubloŭ na našy hrošy», — raspaviadaje Kryścina.

Dastupny hramadki transpart, ale darahaja hrucaŭka

Hramadski transpart dastupny, za 1 rubiel možna jeździć 90 chvilin — nie važna, kolki razoŭ ty pierasadžvaješsia.

«Taksi amal nie karystajusia, ale, miarkujučy pa raskazach siabroŭ, jano nie daražejšaje, čym u Minsku», — dzielicca dziaŭčyna.

Mnohija ceny na pradukty paraŭnalnyja ź biełaruskimi, choć jość šerah tavaraŭ, jakija ŭ nas kaštujuć značna tańniej, čym u Tbilisi.

«Hrečki tut šmat, a voś hrucaŭku i pšonku znajści amal niemahčyma, tamu jany pradajucca pa kaśmičnaj canie.

Tut darahaja małočka i miasa, śvinina kaštuje 23-27 rubloŭ za kiłahram. Kurynaje miasa 14-16 rubloŭ za kiło. Zatoje sadavina i harodnina ŭ siezon tannyja. Kiłahram bulby ciapier kaštuje kala 1,3-1,5 rubla. 

Pry žadańni možna znachodzić miasa tańniej, čym u kramach, jaho pradajuć na rynkach, albo prosta z bahažnikaŭ aŭtamabilaŭ, ale kuplać miasa ŭ takich antysanitarnych umovach asabista ja nie advažyłasia», — pryznajecca Kryścina.

Kuryć u Hruzii taksama niatanna. Pačak cyharet kaštuje 5-7 rubloŭ.

«Adnak niahledziačy na vysokija ceny na cyharety, palać tut vielmi šmat i paŭsiul. Časam čałavieka z zapalenaj cyharetaj možna sustreć navat u hramadskim transparcie. U Tbilisi dahetul isnujuć babki, jakija handlujuć cyharetami paštučna. Pradajuć usim, nie pytajučy ŭzrost».

Šmat praduktaŭ rasijskaj vytvorčaści

Pa nazirańniach dziaŭčyny, u Hruzii mała čaho vyrablajuć, tamu bolšaść tavaraŭ tut pryvaznyja, vielmi šmat pradukcyi rasijskaj vytvorčaści. Biełaruskija tavary ŭ zvyčajnych kramach amal nie sustrakajucca, ale jość śpiecyjalizavanyja — u čyrvona-zialonych kolerach.

«Za apošnija miesiacy ŭ Hruzii ceny vyraśli nie tolki na žyllo, ale i na pradukty. Heta źviazvajuć z padaražeńniem paliva (jano kaštuje kala 3,5 rubla za litr).

Kubak łate ci kapučyna kaštuje kala 5-6 rubloŭ, manikiur 50-60 rubloŭ, žanočaja stryžka 50-100, mužčynskaja — kala 15 rubloŭ»,

— pryvodzić rascenki dziaŭčyna.

Što tyčycca miedycyny, to jana ŭ Hruzii strachavaja dla ŭsich.

«Strachoŭka daje mahčymaść apłačvać ad 30 da 80% ad koštu naviedvańnia miedycynskaj ustanovy. Raniej była mahčymaść apłačvać strachoŭku raz na miesiac pa 14 jeŭra, ciapier treba płacić adrazu za hod. Strachoŭki majuć roznyja pakiety, adpaviedna ceny na ich taksama roznyja», — dzielicca Kryścina.

Za adnapakajoŭku ŭ Batumi — 400$

Inšy naš surazmoŭca žyvie ŭ Batumi, małady čałaviek prylacieŭ u Hruziju ŭ pieršych čysłach sakavika.

«Možna skazać, što ja byŭ u pieršych ešałonach, tamu za imklivym rostam arendnych stavak na žyllo naziraŭ na svaje vočy».

Pakul Kirył (imia źmienienaje pa prośbie hieroja) šukaŭ žyllo na praciahły termin, zdymaŭ kvateru pasutkava. U pieršyja dni jon płaciŭ za kvateru pa 16 dalaraŭ na sutki, praz try dni — užo 20, jašče praz try cana vyrasła da 25.

«Viedaju, što ludzi, jakija pryjechali jašče na niekalki tydniaŭ paźniej, zdymali kvatery pa 50 dalaraŭ za sutki, pryčym heta było žyllo biez haračaj vady.

Miascovyja chutka ściamili, što na takim vialikim napłyvie ludziej možna dobra zarabić, tamu jany nie tolki padniali ceny, ale i ŭ 90% vypadkaŭ admaŭlalisia zdavać žyllo mienš, čym na paŭhoda ci navat hod», — adznačaje surazmoŭca.

Da Kiryła prylataje siamja, tamu małady čałaviek pierasialiŭsia ŭ trochpakajovuju kvateru za 800 dalaraŭ na miesiac. Plus kala 50$ addaje za kamunałku.

«Znajści žyllo na dva miesiacy było vielmi składana, usie chacieli zdavać minimum na paŭhoda. Ale cana arendy pry hetym nie mocna b adroźnivałasia. Zamiest 800, ja b płaciŭ pa 750 dalaraŭ na miesiac. Charakterna, što mnie pryjšłosia zapłacić adrazu za dva miesiacy», — dzielicca Kirył.

Jon ahučvaje paradak cen na arendu kvater u Batumi:

— 1-pakajovaja — 400$ (na karotki termin — 500-550$);

— 2-pakajovaja — 650-700$.

Tannaje vino, ale darahoje piva

Havoračy pra ceny na pradukty charčavańnia, małady čałaviek taksama adznačaje darahija małočnyja pradukty, miasa i čorny chleb.

Naprykład, litr pryvaznoha małaka kaštuje kala 5,5 rubla, miascovaha — kala 4 rubloŭ.

350 hramaŭ 15%-naj śmiatany kaštuje kala 3 rubloŭ. Dziasiatak jajek 4,5-6 rubloŭ. Litr słaniečnikavaha aleju — kala 10.

«Z ałkaholu tut tannaje vino, a voś piva daražejšaje, čym u Biełarusi. Butelka Heineken abjomam 450 mł kaštuje 3,2 rubla. Za 0,9 litra «Žyhuli barnaje» addasi kala 5 rubloŭ. Paŭlitra harełki — ad 11 rubloŭ».

A jašče tut vielmi maleńki vybar čornaha chleba, a ceny na jaho vysokija — 3-3,5 rubla za bochan», — adznačaje Kirył.

Na charčavańnie chłopiec tracić da 20 rubloŭ na dzień. 

U cełym, kažučy pra žyćcio ŭ Hruzii, aboje našy surazmoŭcy adznačyli toj fakt, što tut vielmi vialikija porcyi ježy ŭ restaranach, pry hetym ceny prymalnyja. Adznačajuć vialikuju kolkaść mašyn na darohach, jakija, dziakujučy nizkaj rastamožcy, pryvoziać siudy ź Jeŭropy, ZŠA i inšych krain, uklučajučy pravarulnyja aŭto. Vyklikać taksi rekamiendujuć tolki praz mabilnuju prahramu — inakš cana pajezdki budzie ŭ 2-3 razy vyšejšaj.

Z asnoŭnych minusaŭ nazyvajuć brud na vulicach, nizki ŭzrovień servisu i niedachop cyvilizacyi ŭ roznych aśpiektach žyćcia.

Biełaruskija aktyvistki, darečy, zrabili čat-bot pa adaptacyi ŭ Hruzii. Jon musić spraścić žyćcio tym, chto źbirajecca pryjechać u hetuju krainu.

Čytajcie taksama: 
Za try tydni rasijska-ukrainskaj vajny ŭ Hruziju vyjechali amal 16 tysiač biełarusaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera