Na Juryja Šaŭčuka skłali pratakoł z-za jaho słoŭ pra vajnu, ž*pu prezidenta i radzimu na kancercie va Ufie
Paśla kancerta va Ufie da Šaŭčuka pryjšli siłaviki. Pra heta ŭ Instagram napisaŭ dyrektar ufimskaha pradziusarskaha centra «Radus» Radmir Usajeŭ.
Fota: radmir_usaev / Instagram
«Niama sensu kazać, što heta lubimy hurt bolšaści ŭfimcaŭ, bo jaho serca, heta «naša ŭsio» — Juryj Šaŭčuk, — napisaŭ Usajeŭ. —
Ale ŭnikalnaść hetaha viečara ŭ tym, što adrazu paśla kancerta za kulisy pranikli siłaviki, izalavali Ju. ad hurta, nie prapuskajučy navat dyrektara kalektyvu (vystaviŭšy na ŭvachodzie ŭ hrymiorku siłavy zasłon z dvuch supracoŭnikaŭ u formie śpiecnazu) i na praciahu hadziny viali hutarku pa fakcie minułaha kancerta, jaho nakiravanaści i ab vykazvańniach Šaŭčuka na pradmiet vajny i Radzimy».
Usajeŭ piša, što ŭ supracoŭnikaŭ «było navat žadańnie zatrymać «naša ŭsio», ale ŭ apošni momant u ich chapiła rozumu prapanavać padpisać Juryju pratakoł (pra što, vy sami možacie zdahadacca)». Paśla hetaha siłaviki zjechali.
Videa z kancerta va Ufie vyklikała rezanans. Na im Šaŭčuk mocna vykazaŭsia nakont patryjatyzmu, jaki nie tojesny addanaści prezidentu.
