Brescki himnazist zahinuŭ, niaŭdała ŭpaŭšy z turnika
Brescki himnazist na pierapynku vyrašyŭ pakazać, jak umieje krucić «soniejka» na turniku. Usio skončyłasia trahična: 17-hadovy chłopiec złamaŭ pazvanočnik. Pra heta paviedamili «Minsk-Naviny» sa słovaŭ aficyjnaj pradstaŭnicy Śledčaha kamiteta Julii Hančarovaj. Paźniej stała viadoma, što chłopiec pamior.
Fota ilustracyjnaje
12 maja chłopiec z dvuma adnakłaśnikami na pierapynku vyjšaŭ na stadyjon. Jon staŭ razhojdvacca na turniku, kab pakazać, jak umieje krucicca na pierakładzinie z vyciahnutymi rukami. Ale ŭ peŭny momant nie spraviŭsia i sarvaŭsia z turnika.
Upaŭ chłopiec vielmi niaŭdała, hałavoj ab ziamlu. U vyniku jon atrymaŭ zakrytuju čerapna-mazhavuju traŭmu, pierałomy šyjnych pazvankoŭ i roznyja inšyja traŭmy.
Jamu pryznačyli sudova-miedycynskuju ekśpiertyzu, kab dakładna vyjavić kolkaść i stupień ciažkaści atrymanych traŭmaŭ. Junak byŭ u reanimacyi pad aparatam štučnaj vientylacyi lohkich.
19 maja stała viadoma, što chłopiec pamior.
