BYPOL apublikavaŭ novaje rasśledavańnie pra ahienturnuju sietku MUS
U novaj častcy rasśledavańnia BYPOL raspaviadaje pra adzin ź instrumientaŭ režymu ŭ baraćbie ź biełaruskim narodam, sakretnuju słužbu MUS — Departamient zabieśpiačeńnia apieratyŭna-vyšukovaj dziejnaści.
Arhanizacyja, jakaja zajmajecca ahienturaj i źjaŭlajecca padraździaleńniem MUS, chavajecca pad cyvilnaj šyldaj. Joju, pavodle BYPOL, MUS prykryvaje apieratyŭnuju pracu ŭsioj štatnaj ahientury orhanaŭ unutranych spraŭ.
Arhanizacyja nosić nazvu DPU «Łaryskor». Jana mieścicca ŭ Minsku, pa vulicy Małaja, 1, pakoj 17A.
Heta nibyta prajektnaja arhanizacyja. Mahčyma, nazva pajšła ad imia jaje naminalnaha kiraŭnika ‒ Łarysy Karalenki. Ale imia hetaje prydumanaje. Sapraŭdnaje imia žančyny — Alena Plaškievič.
BYPOL kaža, što ŭ ich jość proźviščy ŭsich supracoŭnikaŭ «Łaryskor», to-bok usioj ahienturnaj sietki MUS, jakaja zajmajecca tym, što sočyć za suhramadzianami, zmahajecca ź inšadumstvam u našaj krainie. Heta nie mienš za 500 čałaviek. BYPOL ličyć, što apubličvańnie dapamoža razburyć hetuju sietku.
