Znajści
Ałharytmičny łacinski varyjant
20.05.2022 / 12:06RusŁacBieł

Pradstaŭnik Cichanoŭskaj acaniŭ ideju «prypynieńnie sankcyj uzamien za tranzit zbožža»

The Wall Street Journal paviedamiŭ: ZŠA hatovyja prypynić na paŭhoda sankcyi adnosna biełaruskaha kaliju ŭzamien za zhodu Biełarusi na tranzit ukrainskaha zbožža ŭ Kłajpiedu. Ekspart ukrainskaha charčavańnia mocna patrebny i Kijevu, i krainam Treciaha Śvietu, jakim u advarotnym vypadku pahražaje hoład. Ale mienavita sankcyi suprać kaliju stali najbolš adčuvalnym udaram pa režymu Łukašenki i mahli patencyjna vymusić jaho vypuścić palitviaźniaŭ. A što ciapier budzie? Nakolki imaviernaje źniaćcio sankcyj z «Biełaruśkalija»? Jak aceńvajuć taki płan u kole Śviatłany Cichanoŭskaj? Ci nie raźviaža heta ruki łukašenkaŭcam dla jašče bolš maštabnych represij? Adkazvaje Valer Kavaleŭski, kiraŭnik Kabinieta pradstaŭnikoŭ Cichanoŭskaj.

Zahruzka vahonaŭ kalijnymi ŭhnajeńniami. Fota: «Biełaruśkalij»

«Infarmacyja, što takija idei isnujuć, źjaviłasia niedzie tydni z dva tamu, — kaža Valer Kavaleŭski. — U Litvie vykazvalisia takija dumki, pradstaŭniki niekatorych inšych krain Zachadu zhadvali pra heta, ciapier Wall Street Journal piša pra hiensaka AAN Huteryša. Heta jašče nie śviedčyć niepasredna pra mahčymaść takoha pahadnieńnia, ale naściarožvaje». 

Biełaruskija apazicyja nastojvała na pastajannym pavialičeńni cisku na režym, u tym liku ekanamičnaha, u tym liku — sankcyjach suprać «Biełaruśkalija» i «Biełaruskaj kalijnaj kampanii». Hetyja pradpryjemstvy — adna z samych značnych krynic valutnych pastupleńniaŭ u Biełaruś, i pry hetym ich kiraŭnictva pryznačaje asabista Alaksandr Łukašenka. 

«Biełaruskaja dziaržava vykarystoŭvaje prybytki ad kaliju, kab uzmacniać svoj režym, represii, padaŭlać volu biełarusaŭ», — miarkuje Kavaleŭski. U jaho razumieńni, prypynieńnie sankcyj suprać kaliju daść režymu Łukašenki pieradyšku i budzie tolki adciahvać pieramieny ŭ Biełarusi. 

«My viedajem, nakolki niebiaśpiečnyja takija situacyi, kali stvarajecca adna śfiera, u jakoj Zachad pačynaje ŭzajemadziejničać z režymam, a paśla heta pacichu pačynaje pašyracca na inšyja śfiery. Łukašenka imkniecca da ŭłasnaj lehitymizacyi i budzie imknucca skarystacca hetaj prapanovaj mienavita ŭ takich metach.

«Takoje adčuvańnie, što z punktu hledžańnia AAN kryzis u Biełarusi vyhladaje druhasnym adnosna kryzisaŭ u inšych miescach płaniety. Dla nas takaja ździełka vyhladaje niebiaśpiečnaj, — padkreślivaje palityk. — Taksama źviarnu ŭvahu, što i AAN, i siamja ŭstanoŭ AAN, i asabista Huteryš zbolšaha biaździejničali adnosna kryzisu ŭ Biełarusi,

zajmali pazicyju nazirańnia i vyčekvańnia. Heta nie tyčycca chiba što tolki Rady pa pravach čałavieka, jakaja vykazvałasia mocna i hučna, ale heta pakul nie paŭpłyvała na sam biełaruski kryzis, tamu biełarusy bolš spadziavalisia na dapamohu nacyjanalnych uradaŭ, ES, ZŠA». 

Na dumku Kavaleŭskaha, AAN raźličvaje «vyrašyć kryzisy ŭ inšych krainach za košt kryzisu ŭ Biełarusi. Taki raźmien padajecca nam niapravilnym. Siońnia niama nijakich unutrypalityčnych padstaŭ, kab pasłablać sankcyjny cisk na režym Łukašenki». 

Ale ci heta nie toj vypadak, kali biełarusam treba achviaravać svaimi nacyjanalnymi intaresami dziela hłabalnaha intaresu ŭsiaho čałaviectva, bo hoład moža sparadzić bolš achviar, čym biełaruski palityčny kryzis? 

«Siońnia tysiačy biełarusaŭ u turmach, dziasiatki zabitych, sotni tysiač złamanych losaŭ. Tamu ja skažu tak: inicyjatary hetaj idei musiać adšukać inšaje vyrašeńnie hetaj prablemy, — upeŭnieny Kavaleŭski. — Ëść stratehičnyja reziervy, u tym liku i zbožža, u zamožnych krainach, jakija mohuć być nakiravanyja ŭ krainy Afryki, kab zadavolić patreby ludziej. Možna pavialičvać vytvorčaść uhnajeńniaŭ u Kanadzie i inšych krainach i rehulavać ceny na ich dla lehalnych pastavak na suśvietnyja rynki». 

Na dumku Kavaleŭskaha, samy pravilny vychad byŭ by ŭ bolš aktyŭnaj dapamozie Ukrainie. Treba «demilitaryzavać Čornaje mora, kab rasčyścić jaho ad fłotu Rasii i adkryć maršruty dla pastavak ukrainskaha zbožža», — prapanuje Kavaleŭski.

«Biełarusy ŭsimi sposabami robiać svoj uniosak, kab dapamahčy ukraincam pieramahčy ŭ vajnie, kab pastaŭki ŭkrainskaha zbožža na suśvietnyja rynki byli adnoŭlenyja, što nie dapuścić hoładu ŭ krainach Afryki», — kaža jon.

Valer Kavaleŭski pracavaŭ u MZS Biełarusi, byŭ represavany ŭ 2011 hodzie za dapamohu apazicyjnamu kandydatu. Paśla jon pracavaŭ u Suśvietnym banku, a ŭ 2020-m dałučyŭsia da koła Śviatłany Cichanoŭskaj

«Uoł-stryt džornał» adznačaje, što biełaruskaha šlachu, adnak, niedastatkova dla pieravozki tych vializnych abjomaŭ zbožža, što ekspartuje Ukraina, jakaja apošnija hady źbiraje vializnyja ŭradžai. Ujavicie sabie, što Ukraina ŭ 2021 hodzie sabrała kala 107 miljonaŭ ton zbožža proci prykładna 7 młn ton, jakija sabrała Biełaruś.

Pa čyhuncy možna budzie pieravieźci tolki 10% davajennych ekspartnych abjomaŭ pastavak z Ukrainy, pryvodzić vydańnie dumku Sary Mienkier, kiraŭnika adździeła sielskahaspadarčaj analityki kampanii Gro Intelligence. «Hetaha niedastatkova», — skazała jana na sprečkach u Radzie biaśpieki, kudy jaje zaprasili ŭ jakaści ekśpierta.

Pradstaŭniki AAN ličać, što viartańnie biełaruskaha i rasijskaha kaliju na rynak važnaje dla zachavańnia ŭradžajnaści ŭ roznych krainach płaniety. 

Hienieralny sakratar AAN Antoniu Hutjereš i dziaržsakratar ZŠA Entani Blinkien na pasiadžeńni Rady biaśpieki AAN 19 maja. Fota JOHN MINCHILLO/ASSOCIATED PRESS

Nijakich padstaŭ dla taho, kab źmiakčać cisk na biełaruski režym, Kavaleŭski nie bačyć. «Naadvarot, represii praciahvajucca, i jość padstavy dla taho, kab praciahvać naroščvać cisk. I «Biełaruśkalij» musić taksama zastavacca pad sankcyjami», — kaža Kavaleŭski.

Jak Kavaleŭski acenić imaviernaść realizacyi hetaha płana i źniaćcia sankcyj ź biełaruskaha kaliju? 

«Heta pradmiet dla našaj pracy, tamu razam z našymi partniorami, siabrami Biełarusi, jakija paśladoŭna padtrymlivajuć imknieńnie biełarusaŭ da demakratyi, budziem vyvučać varyjanty, hladzieć, što možna zrabić. My budziem nastojvać, kab Zachad vykarystoŭvaŭ inšyja instrumienty, a budučynia Biełarusi nie stanaviłasia na paŭzu. My nastojvajem — sankcyjny cisk na režym Łukašenki musić tolki pavialičvacca». 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera