U Połacku płanujuć abnavić kalcavuju raźviazku. Voś dva varyjanty, jak jana moža vyhladać
U Połacku da 1160-hodździa horada źbirajucca abnavić kalcavuju raźviazku «Tank». Staršynia rajvykankama Ihar Markavič apublikavaŭ dva eskizy, jakija prapanujucca.
Tak kalco vyhladaje ciapier
Pieršy varyjant (pakolki Połack — duchoŭny centr krainy, źviazany z prapadobnaj Jeŭfrasińniaj Połackaj) — ustalavać u centry raźviazki vialiki śvietłavy kryž, z dvuch bakoŭ ad jakoha buduć šerahi zienitnych pražektaraŭ.
Pieršy varyjant
Tych, chto ŭjazdžaje ŭ horad ź Minskaha napramku, budzie vitać śvietłavy nadpis z abjomnych litar «POŁACK». Tank miarkujecca pakinuć na raniejšym miescy, tolki dapoŭniŭć pražektarami i akulturyć pastamient šerym śvietłym hranitam.
Druhi varyjant — pieramiaścić tank u centr. A kryž pastavić na darožnym astraŭku ŭ napramku mikrarajona Aeraport.
Druhi varyjant
Abmierkavać idei staršynia Połackaha rajvykankama prapanuje ŭ jaho ŭ kamientarach.