Kava prosta nastojvajecca ŭ cišyni. Niezvyčajnuju kavu ŭ butelkach robić kaviarnia ŭ Hrodnie
Hrodzienskaja kaviarnia «Naša kava» znoŭ pačała vypuskać śpiecyjalnuju chałodnuju kavu — cold brew. Jaje raźlivajuć u šklanyja butelki abjomam 0,33 ł. Pra heta Hrodna.life raspavioŭ uładalnik «Našaj kavy» Dźmitryj Zacharka.
Chałodnaja kava «Ruanda niunhve». Krynica: regions.by
Kavu ŭ butelki raźlivajuć u kaviarni kožnaje leta z 2018 hoda. Nie raźlivali tolki ŭ 2021-m.
«Pierad tym, jak zakarkavać butelku, kavu nastojvajuć u chałodnaj vadzie na praciahu 12 hadzin hadzin i bolej», — raskazaŭ Dźmitryj Zacharka.
Praces pryhatavańnia adbyvajecca bieź cisku i vysokaj tempieratury. Kava znachodzicca ŭ cišyni i prosta nastojvajecca.
Smak budzie rozny, bo ziernie budzie źmianiacca
U hetym hodzie ŭ šklanyja butelki raźlili kavu hatunku «Ruanda niunhve (nyungwe)». Ale hetaje ziernie ŭ Hrodnie ŭžo skončyłasia, dadaŭ Zacharka. Tamu dalej u kaviarni płanujuć pracavać ź inšymi hatunkami. «Taksama «Ruanda», ale ŭžo inšaja», — skazaŭ Dźmitryj.
«Takaja kava karystajecca papularnaściu siarod tych, chto imkniecca pakaštavać niešta novaje i jakasnaje», — ličyć Dźmitryj.
Raniej kavu cold brew ŭ šklanych butelkach 0,33 ł prapanoŭvali letam taksama ŭ kaviarni «Našie miesto».
