Znajści
Ałharytmičny łacinski varyjant
24.05.2022 / 12:50RusŁacBieł

Patrušaŭ: Praŭda na našym baku, usie mety va Ukrainie buduć vykananyja, nacyzm treba vykaranić na 100%

«Anhłasaksy realizujuć daktrynu załatoha miljarda», «praŭda na našym baku». U intervju «AiF» sakratar Savieta biaśpieki RF Mikałaj Patrušaŭ zajaviŭ, što likvidacyja Ukrainy budzie daviedzienaja da kanca, niezaležna ad času, jaki heta zojmie.

 

Mikałaj Patrušaŭ. Fota: AP

Zachodnija krainy «praciahvajuć dyktavać svaje ŭmovy śvietu, pa-chamsku źnievažajučy suvierennyja pravy dziaržaŭ», skazaŭ u intervju Mikałaj Patrušaŭ.

Tak zvanyja «anhłasaksy», pa viersii Patrušava, «vyrakajuć na hoład miljony čałaviek u Afrycy, Azii i Łacinskaj Amierycy, abmiažoŭvajučy im dostup da zbožža, uhnajeńniaŭ i enierhietyčnych resursaŭ», «pravakujuć biespracoŭje i mihracyjnuju katastrofu ŭ Jeŭropie», «niezacikaŭlenyja ŭ roskvicie jeŭrapiejskich dziaržaŭ, robiać usio dla ich źniknieńnia z pastamienta ekanamična raźvitych krain».

Pavodle jaho, anhłasaksy, «prykryvajučy svaje dziejańni słovami pra baraćbu za pravy čałavieka svabodu i demakratyju, na samaj spravie realizujuć daktrynu «załatoha miljarda», jakaja praduhledžvaje, što kvitnieć ŭ hetym śviecie moža abmiežavanaja kolkaść ludziej. Dola ž astatnich — hnuć śpinu ŭ imia ich mety».

Tradycyjna nie abyšłosia biez kanśpirałohii. Patrušaŭ padtrymlivaje viersiju, što «zachodnija farmaceŭtyčnyja kampanii zacikaŭlenyja ŭ raspaŭsiudžvańni niebiaśpiečnych zachvorvańniaŭ» dziela prybytku, a ŭ łabaratoryjach Pientahona pry sadziejničańni šerahu najbujniejšych transnacyjanalnych farmaceŭtyčnych kampanij mahła być stvoranaja karanavirusnaja infiekcyja. Adbyvałasia heta, pavodle rasijskaha siłavika, pry padtrymcy fondaŭ Klintanaŭ, Rakfieleraŭ, Sorasa i Bajdena.

Adkazvajučy na pytańnie žurnalista, što aznačaje denacyfikacyja va Ukrainie, jakuju, pa pryznańni žurnalista, nie ŭsie razumiejuć, Patrušaŭ skazaŭ, što Rasija stavić pierad saboj takija ž mety, jak i ŭ 1945-m.

«Usio stanie zrazumieła, kali ŭspomnić historyju. Padčas Patsdamskaj kanfierencyi SSSR, ZŠA i Anhlija padpisali pahadnieńnie ab vykaranieńni hiermanskaha militaryzmu i nacyzmu. Pad denacyfikacyjaj razumieŭsia ceły šerah mier. Akramia pakarańnia nacysckich złačyncaŭ, admianialisia zakony Treciaha rejcha, što lehalizavali dyskryminacyju na asnovie rasy, nacyjanalnaści, movy, relihii, palityčnych pierakanańniaŭ. Sa školnaj adukacyi vydalali nacysckija i militarysckija daktryny. Naša kraina staviła takija mety ŭ 1945-m, stavim hetyja ž mety i ciapier, vyzvalajučy Ukrainu ad nieanacyzmu», — skazaŭ Patrušaŭ.

Žurnalist pieradaŭ zaniepakojenaść čytačoŭ «zaciahvańniem terminaŭ śpiecapieracyi va Ukrainie».

«My nie honimsia za terminami. Nacyzm treba albo vykaranić na 100%, albo jon padymie hałavu ŭžo praź niekalki hadoŭ — pryčym u jašče bolš vyrodlivaj formie», — adkazaŭ Patrušaŭ.

«Usie mety, pastaŭlenyja prezidentam Rasii, buduć vykananyja. Inakš i być nie moža, bo praŭda, u tym liku histaryčnaja, na našym baku. Niezdarma ž hienierał Skobieleŭ u svoj čas skazaŭ, što tolki naša kraina moža dazvolić sabie takuju raskošu, jak vajavać sa spačuvańnia. Spačuvańnie, spraviadlivaść, hodnaść — heta mahutnyja abjadnaŭčyja idei, jakija my zaŭsiody stavili i budziem stavić u asnovu», — skazaŭ Patrušaŭ.

Taksama jon prakamientavaŭ zajavy prezidenta Ukrainy ab tym, što Rasija pavinna vypłacić Ukrainie reparacyi.

«Heta Rasija maje prava patrabavać reparacyj ad krain, što spansavali nacystaŭ na Ukrainie, i złačynnaha Kijeŭskaha režymu. «DNR» i «ŁNR» pavinny patrabavać ad ich pakryćcia ŭsioj materyjalnaj škody za vosiem hadoŭ ahresii. I sam ukrainski narod zasłuhoŭvaje reparacyj ad asnoŭnych zavadataraŭ kanfliktu, h. zn. ZŠA i Anhlii, jakija prymušajuć ukraincaŭ zmahacca, padtrymlivajuć nieanacystaŭ, zabiaśpiečvajuć ich zbrojaj, nakiroŭvajuć svaich vajskovych daradcaŭ i najmitaŭ», — ličyć Patrušaŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
25
Ха-ха
10
Ого
0
Сумна
0
Абуральна
24
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera