Stali viadomyja daty ŭstupnych ispytaŭ u licei
Raniej ispyty startavali ŭ mai ź Liceja BDU. Zaraz usie ispyty pačnucca adnolkava 16 červienia.
Ministerstva adukacyi apublikavała daty ŭstupnych ispytaŭ u licei. Jany praciahnucca z 16 da 29 červienia. 1 lipienia — reziervovy dzień.
17 červienia — matematyka,
20 červienia — zamiežnaja mova, infarmatyka,
22 červienia — chimija, biełaruskaja mova,
24 červienia — fizika, hieahrafija, hramadaznaŭstva, vyjaŭlenčaje mastactva,
27 červienia — ruskaja mova,
29 červienia — bijałohija, historyja Biełarusi.
Na ispyty pa matematycy, bijałohii, infarmatycy advodzicca 180 chvilin;
pa biełaruskaj i ruskaj movach, fizicy, chimii, bijałohii, zamiežnaj, historyi Biełarusi, hramadaznaŭstvie, hieahrafii — 120 chvilin.
Praviły pastupleńnia ŭ licei źmianilisia. Ciapier jany pravodziacca tolki piśmova, a na vykanańnie zadańniaŭ advodzicca nie bolš za try hadziny. Taksama zadańni dla pastupleńnia ŭ licei, a taksama kryteryi acenki ciapier budzie raspracoŭvać Respublikanski instytut kantrolu viedaŭ (jaki rychtuje CT). Raniej hetym zajmalisia adździeły adukacyi abłvykankamaŭ i Minharvykankama, a dla Liceja BDU — sam BDU. Stanoŭčymi ličacca adznaki ad 6 bałaŭ i vyšej.
Taksama tyja, chto nie zmoh pastupić u licej adrazu, mohuć patrapić na vakantnyja miescy, kali jany zastanucca paśla asnoŭnaha naboru. Dadatkovy nabor projdzie z 11 pa 17 žniŭnia.
Kartu licejaŭ možna pahladzieć tut
