Spynili kryminalny pieraśled u dačynieńni da troch pradstaŭnikoŭ «Rabočaha ruchu»
Pravaabaroncam stała viadoma, što troch fihurantaŭ spravy «Rabočaha ruchu», Dźmitryja Jelisiejeva i Śviatłanu Zyl sa Žłobina, a taksama Marharytu, proźvišča jakoj pakul nieviadomaje, aznajomili z pastanovaj ab spynieńni kryminalnaj spravy pa art. 356 Kryminalnaha kodeksa (zdrada dziaržavie).
Dźmitryj Jelisiejeŭ i Śviatłana Zyl
Śviatłanu Zyl i Dźmitryja Jelisiejeva zatrymali 22 vieraśnia 2021 hoda paśla čarhovaha dopytu i źmiaścili ŭ homielski SIZA.
Zatym 12 listapada Śviatłanu adpuścili na volu, źmianiŭšy mieru strymańnia na załoh, a 20 studzienia 2022 hoda pad załoh byŭ adpuščany Jelisiejeŭ.
Na minułym tydni Jelisiejeva vyklikali ŭ SK, jon napisaŭ zajavu ab spynieńni kryminalnaj spravy suprać jaho ŭzamien na štraf u pamiery 30 bazavych vieličyń (960 rubloŭ). Pa jakoj spravie byŭ aštrafavany mužčyna, pakul niezrazumieła. Taksama jamu abiacali viarnuć «załohavyja» hrošy. Anałahičnaja situacyja i ŭ Zyl.