Va Ukrainie aryštavanaja majomaść pradpryjemstvaŭ Rasii i Biełarusi bolš čym na 20 miljonaŭ dalaraŭ
Ofis Hienieralnaj prakuratury Ukrainy paviedamiŭ pra aryšt na terytoryi krainy majomaści pradpryjemstvaŭ Rasii i Biełarusi na ahulnuju sumu bolš čym 600 miljonaŭ hryŭniaŭ (heta kala 20,5 miljona dalaraŭ).
Fota ilustracyjnaje
Asnoŭnaja častka aryštavanaj majomaści — heta 420 čyhunačnych vahonaŭ koštam bolš za 500 młn hryŭniaŭ, inšyja tavarna-materyjalnyja kaštoŭnaści kaštavali bolš čym 130 miljonaŭ.
U chodzie dasudovaha rasśledavańnia, jak paviedamlaje Hienieralnaja prakuratura, było ŭstanoŭlena, što słužbovymi asobami rasijskich i biełaruskich pradpryjemstvaŭ na praciahu 2022 hoda byli ŭviezienyja na terytoryju Ukrainy čyhunačnyja vahony razam z tavarami, jakija «vykarystoŭvalisia z parušeńniem mytnaha zakanadaŭstva Ukrainy». Na ich i nakładzienyja aryšty.
Dasudovaje rasśledavańnie pravodzicca Biuro ekanamičnaj biaśpieki pa fakcie naŭmysnaha ŭchileńnia ad vypłaty padatkaŭ u asabliva bujnych pamierach (č. 3 art. 212 Kryminalnaha kodeksa Ukrainy).
