Znajści
Ałharytmičny łacinski varyjant
09.06.2022 / 16:07RusŁacBieł

ZŠA i Jeŭrasajuz chočuć zmusić Rasiju pradavać naftu pa źnižanych cenach. Voś mahčymy miechanizm

Sankcyi ES i ZŠA pryviaduć da taho, što Rasija źmienšyć zdabyču nafty prykładna na čverć, bo alternatyŭnyja sposaby dastaŭki syraviny ŭ Aziju abmiežavanyja. Hetyja 3 miljony baralaŭ za dzień patencyjna možna kampiensavać za košt rostu zdabyčy ŭ Saudaŭskaj Aravii, Vieniesuele i Iranie. Pry źmianšeńni ekspartu z Rasii na bolšy abjom, cana nafty moža vyraści niepraparcyjna, i Maskva akažacca ŭ vyjhryšy. Tamu Zachad šukaje takoje rašeńnie, pry jakim Rasija praciahvała b ekspart, ale nie atrymlivała b usioj sumy dachodaŭ, piša «Uoł-stryt džornał». Takaja hulnia praduhledžvaje składanyja raźliki. Z boku Vašynhtona pieramovy viadzie daśviedčanaja ministr finansaŭ krainy Džanet Jelen.

ZŠA i ich sajuźniki imknucca zbałansavać mahčymy rost cen na naftu, adnačasova abaraniajučy suśvietnuju ekanomiku ad mahčymaj recesii.

Ministr finansaŭ ZŠA Džanet Jelen zajaviła na hetym tydni, što kraina pravodzić aktyŭnyja pieramovy ź jeŭrapiejskimi chaŭruśnikami pa farmavańni kartela pakupnikoŭ i ŭstanaŭleńni hraničnych cen na rasijskuju naftu. ZŠA i chaŭruśniki chočuć, kab Indyja i Kitaj zachavali dostup da rasijskaj nafty, što mahło b dapamahčy stabilizavać ceny, jakija ŭžo i biez taho vysokija, i kab adnačasovy z hetym rasijski biudžet atrymlivaŭ abmiežavanyja pastupleńni ad prodažu nafty.

ES i ZŠA pryniali miery pa zabaronie impartu rasijskaj nafty paśla ŭvarvańnia va Ukrainu. Jeŭrapiejskija kampanii impartujuć značna bolšuju kolkaść rasijskaj nafty, tamu ad dziejańniaŭ Jeŭropy zaležyć tut našmat bolš.

Ahułam, Zachad sprabuje znajści zdarovy bałans pamiž tym, kab pakarać Rasiju, ale, ź inšaha boku, na davieści suśvietnuju ekanomiku da novaj recesii. Voś jak heta možna zrabić.

Dziaržavy buduć źviartacca da strachavalnikaŭ, kab pasprabavać ustanavić abmiežavanuju canu. Pastaŭki nafty časta strachujucca kampanijami ŭ ES i Vialikabrytanii, i aficyjnyja asoby vyvučajuć mahčymaść taho, kab hetyja strachavalniki pakryvali pastaŭki rasijskaj nafty tolki ŭ niejeŭrapiejskija krainy, jakija padpadajuć pad abmiežavańnie cen.

Aficyjnyja asoby Ministerstva finansaŭ ZŠA na hetym tydni adpraviacca ŭ Vialikabrytaniju i ES dla abmierkavańnia sankcyj.

Ciapierašnija dziejańni ES nadoŭha abmiažoŭvajuć zdolnaść Rasii zdabyvać i pradavać naftu. Rasijanie sutykajucca z surjoznymi łahistyčnymi ciažkaściami pry prodažy vialikich abjomaŭ nafty ŭ inšyja krainy.

Pavodle źviestak brusielskaha analityčnaha centra Bruegel, Rasija, jakaja ŭžo pradaje naftu sa źnižkaj prykładna ŭ 30 dalaraŭ za baral u paraŭnańni z suśvietnymi bazavymi cenami, atrymlivaje ad ES kala 10 miljardaŭ dalaraŭ štomiesiac za syruju naftu i naftapradukty. Da vajny Rasija ekspartavała ŭ ES prykładna 2,5 miljona baralaŭ syroj nafty za dzień.

Ciapier rasijski ekspart moža skaracicca na cełych 3 miljony baralaŭ za dzień.

Jašče bolš hłybokaje skaračeńnie zdabyčy ŭ Rasii moža pryvieści da rostu suśvietnych cen na naftu da 200 dalaraŭ za baral, što moža vyklikać recesiju. Ciapier nafta tarhujecca prykładna pa 120 dalaraŭ.

Rost suśvietnych cen na naftu nie tolki pryviadzie da rostu inflacyi va ŭsim śviecie, ale i moža dazvolić Rasii navat pavialičyć svoj čysty dachod ad prodažu nafty, navat kali jaje budzie pradavacca mienš. I heta było b jaŭna nie tym vynikam, jakoha chacieła damahčysia Jeŭropa.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera