Znajści
Ałharytmičny łacinski varyjant
10.06.2022 / 23:55RusŁacBieł

Futbolnaja Čarnabajeŭka. Biełaruskaja zbornaja dziasiaty raz zapar nie zdoleła pieramahčy ŭ aficyjnaj hulni

Hetym razam hałoŭnaja kamanda krainy nie adužała apanientaŭ z Kazachstana ŭ ramkach adboračnaha etapa Lihi nacyj. Praź ničyju 1:1 padnačalenyja Hieorhija Kandraćjeva akruhlili sieryju biez paśpiachovych matčaŭ da dvuchznačnaha pakazčyka.

Biełarusy ŭpieršyniu nie adužali Kazachstan u aficyjnaj sustrečy. Fota: vesti.kz

Zbornaja Biełarusi nikoli raniej u historyi na aficyjnym uzroŭni kazachstancam nie sastupała. Navat bolš: čatyry razy kalektyvy bilisia ŭ roznych turnirach pad ehidaj UEFA — i navat u samych napružanych dvubojach «biełakryłyja» damahalisia pieramohi.

Ale zaraz hałoŭnaja kamanda Biełarusi nastolki biezdapamožnaja i biezydejnaja, što, badaj, uvasablaje stan sportu ŭ krainie całkam. A tamu zakanamierna atrymlivaje «pad chvost» navat ad tych, na kaho raniej nie źviartała ŭvahi.

Ščyra kažučy, 1:1 — jašče ščaślivy dla biełarusaŭ vynik. Bo supiernik, jaki pravioŭ chutki miač (na 13-j chvilinie adznačyŭsia Ajmbietaŭ), moh jašče da pierapynku paŭtaryć vynikovyja dziejańni. Ale kipier Paŭlučenka złaviŭ kuraž i niekalkimi sejvami vyratavaŭ hałoŭnaha treniera ad sychodu ŭ adstaŭku ŭžo paśla zakančeńnia startavych 45 chvilin.

Praŭda, pra zvalnieńnie Kandraćjeva nanoŭ pačali havaryć paśla finalnaha śvistka, niahledziačy na vyratavalny miač Malkieviča na 84-j chvilinie.

Usiaho dva bały paśla pieršaha kruha adbora i dziesiać (!) matčaŭ zapar bieź pieramoh na aficyjnym uzroŭni śviedčać pra toje, što pad kiraŭnictvam słaŭnaha ŭ minułym forvarda zbornaja nie moža aničoha.

Adsiul strata amal usich šancaŭ niejak prystojna skončyć hrupavuju stadyju turnira i pierśpiektyva hrać stykavyja matčy za prava nie svalicca ŭ dyvizijon D — da futbolnych karlikaŭ kštałtu Andory dy San-Maryna.

Heta bolš čym vierahodna, bo paśla troch turaŭ u Kazachstana 9 bałaŭ z 9 mahčymych, słavaki majuć 6 ačkoŭ, a biełarusy mohuć pachvalicca ŭsiaho dvuma bałami. Horš tolki azierbajdžancy, 1 ačko.

Nastupnuju sustreču, jakoj našy spartsmieny skončać letni etap adboru ŭ Lizie nacyj, kamanda Kandraćjeva praviadzie ŭ paniadziełak, 13 červienia. Dvuboj z supiernikami z Azierbajdžana pačniecca a 19-j. Choć nie fakt, što zaŭziatary na radzimie zdolejuć jaho pahladzieć u nacyjanalnym efiry. Precedent z admienaj tranślacyi na «Biełaruś 5» sustrečy suprać Kazachstana ŭžo stvorany — jak kažuć, spracavali jeŭrapiejskija sankcyi, što «zabanili» žyvy efir.

Adnak, moža, futbolnaja TB-izalacyja budzie da lepšaha? Bo z takimi jakaściu i źmiestam hulni, jak u «biełakryłych», navat umoŭny «Dom-2» budzie ŭsprymacca fanami lepiej…

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera