Znajści
Ałharytmičny łacinski varyjant
11.06.2022 / 10:49RusŁacBieł

Bajden zajaviŭ, što Zialenski «nie chacieŭ čuć» pra rasijskuju pahrozu

Prezident ZŠA zajaviŭ, što ŭ Kijevie nie vieryli ŭ paviedamleńni ad amierykanskich uładaŭ ab ryzycy vykarystańnia Rasijaj svaich uzbrojenych sił na terytoryi Ukrainy, pieradaje Bloomberg.

«Ja viedaju, što šmat ludziej dumali, što ja, mahčyma, pierabolšvaju, ale ja viedaŭ, i ŭ nas byli źviestki dla paćviardžeńnia, što jon źbiraŭsia pierajści hranicy. Sumnievaŭ nie było. I [prezident Ukrainy Uładzimir] Zialenski nie chacieŭ hetaha čuć, jak i mnohija ludzi», — skazaŭ Bajden.

Ułady ZŠA z kanca minułaha hoda nieadnarazova papiaredžvali ab ryzycy pačatku bajavych dziejańniaŭ va Ukrainie, adnak u Kijevie z sumnievam stavilisia da hetaj infarmacyi.

U kancy maja, praz try miesiacy paśla pačatku rasijskaj «śpiecapieracyi», Zialenski patłumačyŭ, što Kijeŭ nie skarystaŭsia paradami Vašynhtona «bić tryvohu, ryć akopy i evakuiravać ludziej z krainy» z-za ryzyki dla ekanomiki Ukrainy. Jon adznačyŭ: «Heta paŭpłyvała b na našu finansavuju situacyju, biudžet i ekanomiku. Ciapier my heta vydatna razumiejem». Zialenski taksama kazaŭ, što ŭ adkaz na parady sajuźnikaŭ ryć akopy jašče da pačatku bajavych dziejańniaŭ zajaviŭ niekatorym ź ich, što Ukrainie patrebna zbroja, a nie rydloŭki.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031