Znajści
Ałharytmičny łacinski varyjant
13.06.2022 / 14:03RusŁacBieł

Na viełazavodzie ŭ Minsku vypuścili elektryčny mikrakar za 9900 dalaraŭ. Ale jon nie zusim biełaruski

Minski motaviełazavod vypuściŭ elektramabil, dakładniej, elektryčny kvadrycykł. Pakul heta dośledny ŭzor, jaki jašče prachodzić vyprabavańni i dapracoŭku, pry hetym jaho ŭžo možna kupić, paviedamlaje Zerkalo.io.

Fota: ABW.by

Kvadracykł maje elektraruchavik na 4 kVt, raźmieščany zzadu pad bahažnikam (davoli ŭmoŭnym, jon źjaŭlajecca, kali skłaści zadnija siadzieńni). Śpieradu ŭ jaho lityj-ijonny akumulatar na 8 kVt*h, zapas chodu čakajecca na ŭzroŭni 120-150 km, ale pakul heta nie dakładna. Zaradžajecca mašyna za 6-8 hadzin ad razietki, zajaŭleny raschod enierhii — 6 kVt*h/100 km. U kvadrycykle jość elektraŭzmacnialnik rula, kandycyjanier, multymiedyjnaja sistema, kamiera zadniaha vidu i inšyja «vyhody». Masa mašyny składaje kala 463 kh, piša ABW.by

Fota: ABW.by

Jak patłumačyli žurnalistam supracoŭniki zavoda, kvadrycykł — biełaruska-kitajskaje tvareńnie, pryviezienaje z-za miažy, heta dośledny ŭzor, u im jašče dapracoŭvajuć niekatoryja aśpiekty, mašyna jašče nie siertyfikavanaja ŭ Biełarusi. Tym, chto kupić hety transpartny srodak, treba budzie rehistravać jaho ŭ DAI, dla kiravańnia, choć heta i kvadrycykł, patrebnyja pravy katehoryi «V». Chutkaść jaho ruchu na darohach ahulnaha karystańnia nie pavinna pieravyšać 60 km/h.

Fota: ABW.by

Pry hetym mašynu ŭžo hatovyja pradavać. Pradpryjemstva prapanuje zamović jaje za 9900 dalaraŭ z 50-adsotkavaj pieradapłataj, pry hetym možna budzie nazirać za zborkaj svajho asobnika, a praz hod ekspłuatacyi pakupniku abiacajuć «kešbek» u 20% ad koštu. U pracesie łakalizacyi mašynu majuć namier zrabić tańniejšaj.

Ciapier kvadrycykł nazyvajecca prosta — M1NSK.

Adnak, jak vyśvietliłasia, biełaruskim hety aŭtamabil možna nazvać tolki vielmi ŭmoŭna.

Jak vyjaviŭ The Village, jon źjaŭlajecca poŭnaj kopijaj mikrakara Eleksa CityBug. Heta elektryčny aŭtamabil kitajska-afrykanskaha pachodžańnia. Eleksa — paŭdniovaafrykanskaja kampanija z ofisam u Pretoryi, jakaja vypuskaje samyja roznyja typy elektryčnych transpartnych srodkaŭ, pačynajučy ad skutaraŭ i motabłokaŭ. Ale sama vytvorčaść mašyn raźmieščanaja ŭ Kitai ŭ pravincyi Šańdun.

Eleksa CityBug. Fota: topauto.co.za

U PAR prodažy Eleksa CityBug pačalisia ŭ kancy 2021 hoda, i žurnalisty prazvali jaho «samym tannym elektrakaram Afryki». Košt jaho składaje 230 tysiač rendaŭ (kala 14 tysiač dalaraŭ). Aŭtamabil pradajecca i na inšych rynkach, u tym liku va Uruhvai, Vialikabrytanii, Hiermanii i niekatorych inšych jeŭrapiejskich krainach. Jon siertyfikavany ŭ Jeŭrasajuzie jak ciažki elektrakvadrycykł.

Dadamo: miarkujučy pa fota, M1NSK źjaŭlajecca navat nie kopijaj Eleksa CityBug, a faktyčna im samim. Na ruli i kapocie kvadrycykła, vyrablenaha na «Motaviełazavodzie», krasujecca łahatyp paŭdniovaafrykanskaha brenda.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
49
Ха-ха
35
Ого
5
Сумна
2
Абуральна
3
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930