Biznesmen i kinapradziusar Viktar Łabkovič vyjšaŭ na svabodu
Biznesoviec i kinapradziusar Viktar Łabkovič na hetym tydni vyjšaŭ na volu, paviedamlaje reform.by ca spasyłkaj na telehram-kanał «Śviaščenny Biełavud».
Jon byŭ zatrymany ŭ červieni minułaha hoda, kali ŭ kampaniju «Modum» pryjšli ź pieratrusam. Łabkovič adnym ź jaje top-mieniedžaraŭ. Za kratami jon pravioŭ amal hod.
Jaho studyja «Pieršaja Kinavideakampanija» viadomaja pradziusavańniem sieryjała pra Uładzimira Mulavina «Za paŭhadziny da viasny», premjera jakoha płanujecca vosieńniu, dakumientalnaha filma «Debiut» (u 2019-m prasoŭvaŭsia na «Oskar» ad Biełarusi), chorar «Upyry», fantastyki «Dziesiać žyćciaŭ miadźviedzia», jakija jašče nie vyjšli na ekrany).
U lipieni minułaha hoda Alaksandr Łukašenka zajaŭlaŭ, što siłaviki vyjavili ŭ Biełarusi cełuju sietku pryvatnych pradpryjemstvaŭ, jakija nibyta krali hrošy ŭ dziaržavy i pry hetym vystupali za pieramieny i finansavali pratesty. Siarod takich firmaŭ jon nazvaŭ «Biełciažmaš», «Modum», «21-je viek» i «TUT baj miedyja». Jon śćviardžaŭ, što «Modum — naša kaśmietyka» naniesła dziaržavie škodu ŭ 650 tysiač dalaraŭ, a ŭ kiraŭnikoŭ kampanii Piatrenku, Łabkoviča i Skuratoviča pry pieratrusie znajšli bolš za $115 tys., 7 tys. jeŭra i 25 tys. rubloŭ.