Palitźniavoleny biazdomny Alaksandr Kutas znachodzicca ŭ homielskim SIZA
Alaksandr Kutas — biazdomny ź Minska, jakoha zatrymali 1 śniežnia 2021 hoda pavodle artykuła 342-2 KK za «nieadnarazovaje parušeńnie paradku praviadzieńnia masavych mierapryjemstvaŭ». U sudzie Frunzienskaha rajona Minska 2 sakavika Alaksandra asudzili da adnaho hoda kałonii ahulnaha režymu. Niadaŭna stała viadoma, što jon utrymlivajecca ŭ homielskim SIZA, paviedamlaje «Viasna».
Pra Kutasa viadoma, što jaho 10 razoŭ kidali na «sutki» pa art. 24.23 KaAP (niesankcyjanavanaje pikietavańnie) u 2021 hodzie. Pratakoły na jaho składali za płakaty, na jakich zvyčajna byŭ namalavany ściah BSSR i napisanyja prośby ab dapamozie. Ale adnojčy jaho zatrymali i za BČB-płakat.
Na Akreścina Kutas pravioŭ jak minimum 130 sutak aryštu. Raniej jon pravioŭ u miescach pazbaŭleńnia voli 22 hady. Dniami jamu spoŭniłasia 60 hadoŭ.
