Znajści
Ałharytmičny łacinski varyjant
19.06.2022 / 18:38RusŁacBieł

Minsk majstar-kłasny: ad lekcyj pra Šahała da seks-treninhaŭ

Naviny pra karanavirus pastupova źnikli z navinnych stužak. Ludzi stali mienš času pravodzić na videakanfierencyjach i ŭsio bolš naviedvajuć mierapryjemstvy ŭ afłajnie. Hazieta «Biełorusy i rynok» vyvučyła, jak minčuki z karyściu pravodzili volny čas u apošni miesiac.

U raźlik bralisia tolki karotkija adnadzionnyja i dvuchdzionnyja «navučałki»: majstar-kłasy, treninhi i sieminary. U vyniku sumny, na pieršy pohlad, Minsk akazaŭsia jašče toj placoŭkaj dla roznych zabaŭ.

Psichałahičnyja treninhi

Najšła viesnavaja chandra abo adnosiny ruchajucca da prorvy? Na dapamohu pryjduć šmatlikija psichałahičnyja hulni i majstar-kłasy.

Tak, na adnym ź ich za 40 rubloŭ abiacajuć za paru hadzin navučyć udzielnikaŭ uśviedamlać siabie i znachodzić vyjście ź ciažkich žyćciovych situacyj. Na inšym treninhu za tyja ž hrošy možna navučycca ŭvasablać mary ŭ žyćcio. Stolki ž budzie kaštavać i mahčymaść raskazać pra svaju prablemu ŭ hrupie takich ža ludziej, jakija spaznajuć siabie.

Trochi daražej abydziecca majstar-kłas pa pošuku svajoj zabłakavanaj enierhii i jaje vyzvaleńni — 50 rubloŭ.

Darečy, niekatoryja psichałahičnyja treninhi raźličanyja tolki na žančyn. Naprykład, na adnym ź ich udzielnic vučać «nie bajacca svaich žadańniaŭ», «być sapraŭdnaj» i «ŭmieć kazać nie». Inšy treninh raźličany na žančyn, jakija vybirajuć «tradycyjnyja kulturnyja kaštoŭnaści ŭ siamiejnych adnosinach». Na treninhu ich vučać prymać žanočuju identyčnaść, lepš razumieć svaju pryrodu i budavać ščaślivyja adnosiny z mužčynami.

Dla mužčyn śpiecyfičnych psichałahičnych treninhaŭ niama, abo jany nie vielmi prasoŭvajucca. Atrymlivajecca niejkaja dyskryminacyja. Žančynam usie ŭmovy, a mužčynam — płač u kutku na kuchni, padcisnuŭšy kalenki da niaholenaj ščaki.

Sport i tancy

Zusim nie napružvajučysia, možna dałučycca da sportu ŭ barach, pabach, kaviarniach i restaranach. Akazałasia, što mnohija ŭstanovy amal štodnia prapanujuć sumiesnyja prahlady spartyŭnych tranślacyj: futboł, źmiešanyja adzinaborstvy, boks.

Papacieć ža ŭ traŭni možna było ŭ RHC «Siličy», biehajučy pa pałasie pieraškod Bison Race (kvitok na dzień — 20 rubloŭ), abo naviedaŭšy sieminar «Siačeńnie kitajskaj šablaj dao», dzie navučajuć bazavaj technicy vałodańnia hetaj zbrojaj.

Nie davodzicca ŭ Minsku sumavać i amataram tancaŭ. Za 5 rubloŭ možna papraktykavacca ŭ bačacie, tanha i zukie. Zaprašajuć jak adzinočak, tak i pary. Praŭda, heta zabava nie dla pačatkoŭcaŭ, a dla tych, u kaho ŭžo jość bazavyja navyki.

Joha i ezateryka

Pałova Minska zajmajecca johaj i miedytacyjami. Takuju vysnovu možna zrabić, miarkujučy pa šmatlikich prapanovach majstar-kłasaŭ u hetym kirunku.

Ceny roznyja. Dvuchdzionny sieminar pa jozie i miedytacyi pad kiraŭnictvam instruktara, błasłaŭlonaha tybieckim daśviedčanym praktykam, kaštuje 250 rubloŭ. Za 220 rubloŭ na praciahu dvuch dzion možna prajści prafiesijnuju padrychtoŭku pa cyhun.

Kudy tańniej zapuścić «rakietu žadańniaŭ» — heta «praktyka kundalini-johi, jakaja pravodzicca tolki ŭ dni maładzika»: 20 rubloŭ i miesiac dapamohuć udzielniku mierapryjemstva atrymać nieabchodnuju enierhiju dla vykanańnia namieraŭ.

Praŭda, joha i ŭschodnija praktyki akazalisia i samym demakratyčnym kirunkam, pakolki ŭ Minsku možna znajści i zusim biaspłatnyja zaniatki pa miedytacyi, abudžeńni enierhii i ŭnutranaj transfarmacyi.

Minski rynak ezateryčnych iventaŭ vielmi raznastajny i prapanuje mierapryjemstvy, jakija samastojna navat ciažka nafantazijavać. Tak, za 320 rubloŭ možna pabyvać na śviacie ahniu i «prynieści dary maci-pryrodzie; schilicca pierad jaje ŭładaj i vieličču; spaścihnuć viečny praciah času i pryhažość kožnaha času hoda».

Za 35 rubloŭ vy rassłabiciesia «pad huki honha, ležačy na dyvankach, a potym — hadzina čajnaj cyrymonii va ŭśviadomlenym maŭčańni-maŭleńni, za stałom».

Za 30 rubloŭ možna adpravicca ŭ «svabodny taniec praz staražytny plemianny rytuał — kakava-cyrymoniju, jakaja adkryje sardečnuju prastoru i dazvolić sunastroicca z rytmam adzinaha plemia».

Paśla cyrymonii ŭdzielniki naładziacca na rytm svajho serca z dapamohaj šamanskaha bubna. Nie padabajucca bubny? Tady zapisvajciesia na «vibraakustyčny masaž tybieckimi śpiavajučymi čašami», schadzicie na sieminar pa fen-šuj, navučyciesia stajać na ćvikach abo pa mietadzie sistemnych rasstanovak «adnavicie płyń lubovi, jakaja idzie ad vašych prodkaŭ».

Praca i hrošy

Kali ŭ volny čas vy ŭsio roŭna dumajecie, jak zarabić abo rušyć napierad pa karjernaj leśvicy, to sardečna zaprašajem u śviet biznes-sieminaraŭ i treninhaŭ vychadnoha dnia. Tut i majstar-kłasy pa miedyjacyi i pieramovach, sieminary pa prasoŭvańni ŭ sacyjalnych sietkach, abaronie piersanalnych źviestak, aptymizacyi pracy ŭ kryzis, prodažach, pošuku klijentaŭ. Pa canie — ad biaspłatnych uvodnych zaniatkaŭ da 700 rubloŭ za sustreču.

Moža, zamiest taho, kab pracavać, lepš navučycca vyhadna inviestavać u Biełarusi i za miažoj? Jość i taki treninh — 275 rubloŭ.

Žyvapis i samarobki

Navat kali vy nikoli ŭ žyćci nie malavali, u vas jość mahčymaść stvaryć karcinu svaimi rukami. Arhanizatary studyi vyjaŭlenčaha mastactva vydaduć usie materyjały: farby, pendźli, pałatno i navučać stvarać šedeŭryki. Usio heta va ŭtulnaj studyi z rełaks-muzykaj, harbataj i piečyvam.

A moža, vy pryrodžany hančar, ale jašče nie viedajecie pra heta? Pasprabavać siabie ŭ hetaj spravie možna na lepcy kubka abo talerki. Majstar-kłas abydziecca ŭ 50 rubloŭ, ale zatoje choć nie z pustymi rukami dadomu pojdziecie.

Naohuł, majstar-kłasaŭ pa samarobkach šmat. Pryčym mnohija ź ich raźličanyja na baćkoŭ i dziaciej abo tolki na dziaciej. Na takich mierapryjemstvach možna aznajomicca z roznymi temami: dekupaž, skrapbukinh, kvilinh, kačańnie z voŭny, batyk, vyrab śviečak, bižuteryi, upryhožańniaŭ dla interjeru.

Kultura i aśvieta

U Minsku pravodzicca šmat lekcyj pa kultury, litaratury, fiłasofii i historyi, prachodziać tvorčyja viečary i prezientacyi. Arhanizoŭvajuć mierapryjemstvy jak pryvatnyja kampanii, tak i dziaržaŭnyja ŭstanovy. Lekcyi čytajuć mastactvaznaŭcy, kuratary navukovych prajektaŭ, uvohule ludzi, hłyboka pahružanyja ŭ temu.

«Art-fabryka», naprykład, praviała lekcyju, zasnavanuju na materyjałach adnoj z samych vyraznych i viadomych vystaŭ Nacyjanalnaha mastackaha muzieja apošnich hadoŭ «Čamu ty mianie pakinuŭ?».

U biblijatecy imia Puškina prajšła lekcyja pra Madyljani i litaraturna-muzyčnaja sustreča «Šahał i Beła. Historyja kachańnia».

Dziaržustanovy, jak praviła, pravodziać mierapryjemstvy biaspłatna abo za simvaličny košt, pryvatnyja kampanii biaruć za kvitki da 50 rubloŭ.

Asobna varta vyłučyć prajekt «Trybuna vučonaha» — heta cykł adkrytych navukova-adukacyjnych lekcyj na bazie Minskaha płanietaryja. Surjoznyja navukoŭcy i ŭnikalnyja śpiecyjalisty ŭ zrazumiełaj formie tłumačać składanyja navukovyja teoryi, dzielacca viedami pra kosmas i Suśviet. Košt kvitka na lekcyju — 3,5 rubla.

Samy darahi treninh

Kaštuje jon 880 rubloŭ za try z pałovaj hadziny.

«Na hetym treninhu vy asvoicie ŭnikalnyja techniki aralnych piaščotaŭ, jakimi karystalisia kurtyzanki, a taksama sučasnyja kirunki ad niamieckich i amierykanskich viadučych u hetaj halinie», — havorycca ŭ apisańni. «U prahramie sto adsotkaŭ praktyčnych navykaŭ. Praktyka prachodzić na realistyčnym trenažory z vykarystańniem roznych seks-aksiesuaraŭ».

Padobnaje prapanujecca i na inšym seks-treninhu, ale za mienšyja hrošy — 120 rubloŭ za try hadziny. Praŭda, i tut vyjaŭlajecca hiendarnaja dyskryminacyja: takoha rodu treninhi ŭ Minsku pravodziacca vyklučna dla žančyn.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera