Pradali byłuju siadzibu mastaka Alfreda Romiera ŭ Pastaŭskim rajonie
Siadzibu mastaka i etnohrafa Alfreda Romiera ŭ Pastaŭskim rajonie vystavili na prodaž praz aŭkcyjon. 23 červienia adbylisia tarhi, siadzibu za 9,7 tysiač rubloŭ kupiŭ žychar Minska, piša Reform.by.
Novy ŭładalnik maje namier adnavić siadzibu i vykarystoŭvać jaje dla patreb ahraekaturyzmu.
Adnapaviarchovy siadzibny dom byŭ pabudavany ŭ 1864 hodzie, jaho płošča — 536 kvadratnych mietraŭ, budynku prysvojeny status historyka-kulturnaj kaštoŭnaści.
Paśla nacyjanalizacyi majomaści ŭ 1939 hodzie ŭ siadzibie raźmiaščaŭsia časovy prytułak dla žycharoŭ spalenaj vioski, balnica, škoła.
Z 2005 hoda budynkam nie karystalisia, jon pryjšoŭ u avaryjny stan. Z 2020 hoda abjekt sprabavali pradać čatyry razy, kožny raz źnižajučy košt. U vyniku 23 červienia na aŭkcyjonie jon pajšoŭ panižeńniem pieršapačatkovaha koštu na 80%.
