CNN: ZŠA pieradaduć Ukrainie sistemu supraćrakietnaj abarony NASAMS
Administracyja ZŠA maje namier u bližejšyja dni abviaścić ab nabyćci dla Ukrainy sistemy supraćrakietnaj abarony siaredniaj dalokaści NASAMS, paviedamiŭ telekanał CNN. Takaja sistema vykarystoŭvajecca ŭ tym liku dla abarony pavietranaj prastory nad Vašynhtonam.
Jak paviedamlaje CNN sa spasyłkaj na pradstaŭnika dziaržadministracyi, ZŠA zakupiać sistemu i pieradaduć jaje Ukrainie ŭ ramkach prahramy «Inicyjatyva pa padtrymcy biaśpieki Ukrainy» (USAI). Dahetul bolšaja častka techniki, adpraŭlenaj va Ukrainu, była pieradadzienaja niepasredna z zapasaŭ uzbrojenych sił ZŠA.
Kali infarmacyja CNN paćvierdzicca, heta budzie druhaja zachodniaja sistema supraćpavietranaj abarony takoha typu, pastaŭlenaja va Ukrainu. Inšaja — niamieckaja IRIS-T SLM.
The US will announce the purchase of a surface-to-air missile defense system for Ukraine as soon as this week, a source says. https://t.co/Fd4ilRGvOP
U ramkach čarhovaha tranšu vajennaj dapamohi ad ZŠA Ukraina taksama atrymaje bolš supraćartyleryjskich radaraŭ i artyleryjskich bojeprypasaŭ.