U Varšavie adkryjecca vystava źniščanaj rasijskaj vajskovaj techniki
U centry Varšavy, na Zamkavaj płoščy, 27 červienia ŭ 10:00 adbudziecca adkryćcio vystavy źniščanaj Uzbrojenymi siłami Ukrainy rasijskaj vajskovaj techniki.
Meta vystavy — pakazać sajuźnikam, jak ukrainski narod abaraniaje Jeŭropu i ŭvieś cyvilizavany śviet, a taksama padziakavać polskamu narodu za dapamohu, jakuju jon akazvaje Ukrainie.
Heta pieršaja takaja vystava za miežami Ukrainy. Paśla Varšavy takija akcyi płanujuć pravodzić i ŭ inšych jeŭrapiejskich stalicach.
«My dapamožam, kab rasijskija tanki apynulisia ŭ Jeŭropie, ale i ŭ vyhladzie mietałałomu. My płanujem pravieści vystavy źniščanaj rasijskaj techniki. Pačniom z Varšavy, a zatym — Bierlin, Paryž, Madryd i, narešcie, Lisabon», — skazaŭ ministr abarony Ukrainy Alaksiej Reźnikaŭ polskamu telekanału Polsat News.
Vystava arhanizavanaja Ministerstvam abarony Ukrainy pry padtrymcy Ministerstva ŭnutranych spraŭ i Ministerstva zamiežnych spraŭ.
U adkryćci vystavy prymuć udzieł aficyjnyja asoby z polskaha i ŭkrainskaha bakoŭ.
Padobnaja vystava ŭžo prajšła na Michajłaŭskaj płoščy ŭ Kijevie.
Vystava ŭ Kijevie. Fota: liga.net