Palitviaźnia Dźmitryja Papova nakiravali ŭ babrujskuju kałoniju
Dźmitryj Papoŭ — maderatar sacyjalnych sietak «Strany dla žiźni», hramadzianin RF. Ź biełaruskimi pratestami raniej źviazany nie byŭ, u Rasii kiravaŭ ultrapatryjarchalnym prajektam «Mužskoje hosudarstvo» i prajektam deananimizacyi siłavikoŭ «Skanier», paviedamlaje «Viasna».
Pierad zatrymańniem jon zapisaŭ videa, u jakim raspaviadaje, što jaho šukajuć milicyjanty i chočuć zatrymać u miežach kryminalnaj spravy. Jaho abvinavacili pa čatyroch artykułach Kryminalnaha kodeksa: č. 1 art. 293, art. 342, art. 191 i art. 130.
U Homieli 14 śniežnia 2021 byŭ vyniesieny prysud Papovu pa «spravie Cichanoŭskaha»: 16 hadoŭ źniavoleńnia ŭ kałonii ŭzmocnienaha režymu.
Doŭhi čas svajakam nie paviedamlali, kudy z homielskaha SIZA etapavali palitviaźnia. Ciapier stała viadoma, što Dźmitryj znachodzicca ŭ babrujskaj kałonii №2.
Padtrymać Dźmitryja: PK №2, 213800, h. Babrujsk, vuł. Sikorskaha, 1, Dźmitryj Jurjevič Papoŭ (na listach paznačajcie «karancin»).
