Łukašenka raskazaŭ, kolki Biełarusi patrabujecca hrošaj na impartazamiaščeńnie
Siońnia Alaksandr Łukašenka prymaŭ u Minsku hubiernatara Samarskaj vobłaści Dźmitryja Azarava. Na pieramovach abmiarkoŭvalisia napramki supracoŭnictva Biełarusi z hetym rehijonam i sumiesnaje raźvićcio impartazamiaščeńnia, paviedamlaje pres-słužba.
Fota: president.gov.by
Jak adznačyŭ Łukašenka, va ŭmovach sankcyj biełaruskija tavary zapatrabavanyja ŭ Rasii ŭ vialikich abjomach, «pytańnie, jak pradać, nie staić», i ŭrad abaviazkova pavinien zadavolić usie kantrakty pa impartazamiaščalnaj pradukcyi. Łukašenka paskardziŭsia, što pracesu časam škodzić vałakita jak u Biełarusi, tak i ŭ Rasii.
Pa jaho słovach, impartazamiaščeńnie jon abmiarkoŭvaŭ z Pucinym padčas apošniaha vizitu ŭ Rasiju. Na sustrečy vyrašyli žorstka kantralavać praces, kab byli realizavanyja ŭsie 15 prajektaŭ sumiesnaj prahramy impartazamiaščeńnia. Łukašenka adznačyŭ, što spačatku nie ŭsie jany byli achvotna pryniatyja rasijskimi čynoŭnikami.
— Nu i pačałosia. Voś, dziesiać prajektaŭ — heta toje, što Rasii treba. A piać prajektaŭ — heta tavary mohuć pajści kudy-niebudź na źniešnija rynki ź Biełarusi. Heta niby niecikava [Rasii]. Ale małajčyna Pucin, jon kaža: «Nam usio cikava, tamu što dla taho, kab pradać u trecich krainach, na źniešnich rynkach, tavar treba ŭ Biełarusi vyrabić, a tam bolš za pałovu kamplektujučych z Rasijskaj Fiederacyi». Dyk u čym niavyhada?! I było rašeńnie, heta vy pavinny ŭličyć, što biez usialakich ahavorak tyja 1,5 miljarda, pra jakija ja kazaŭ, pa impartazamiaščeńni [na Biełaruś vydzielenych resursaŭ z Rasii], jany pavinny być nieadkładna realizavanyja.
Inakš, pa słovach Łukašenki, ludzi buduć niezadavolenyja, jak pry raspadzie SSSR, kali «z-za pralnych paraškoŭ i łusty chleba» z pryčyny narodnaj niezadavolenaści i pry dapamozie «nikčemnych palitykaŭ» razvaliłasia «vielizarnaja impieryja», a jon ciapier «pažynaje hetyja płady».
Taksama palityk ahučyŭ prapanovu naładzić razam z Rasijaj sieryjnuju vytvorčaść lesanarychtoŭčaj techniki ŭ Biełarusi.
Les jon nazvaŭ «druhoaj naftaj».
«Ja prezidentu [RF] heta ŭsio raskłaŭ. Biez hetaha ž my nie abydziemsia, asabliva Rasija. Heta, jak ja skazaŭ, naša druhaja nafta (lasnyja resursy). I pad heta siońnia, kab usio heta razharnuć jak impartazamiaščeńnie, treba minimum ad 200 da 250 miljonaŭ dalaraŭ. Jon kaža: heta cikavy prajekt, my pavinny vyvučyć jaho i abaviazkova prasoŭvać. Va ŭradach treba ciapier, kab hety prajekt pajšoŭ. Moža być, i Samarskaja vobłaść znojdzie ŭ hetym svajo miesca», — skazaŭ Łukašenka.
