U Žłobinskim rajonie 28 červienia pačnucca vajskovyja zbory
U Žłobinskim rajonie 28 červienia pačnucca vajskovyja zbory z terytaryjalnaj abaronaj. Jany praciahnucca da 16 lipienia, paviedamiŭ namieśnik vajskovaha kamisara Homielskaj vobłaści Juryj Janačkin.
Fota ilustracyjnaje
Płanujecca, što budzie sfarmavany štab rajona i asobny strałkovy bataljon terytaryjalnych vojskaŭ. Zbory zavieršacca kamandna-štabnymi vučeńniami, na jakich «buduć adpracoŭvacca pytańni arhanizacyi achovy i abarony abjektaŭ terytaryjalnaj abarony i sumiesna z adździełam unutranych spraŭ Žłobinskaha rajonnaha vykanaŭčaha kamiteta vykanańnia mierapryjemstvaŭ vajennaha stanovišča».
4 i 14 lipienia zapłanavanyja strelby ŭ rajonie nasielenaha punkta Horki Akciabrskaha sielsavieta. Z 12 pa 14 lipienia buduć prymianiacca srodki imitacyi. U hety ž čas pa žłobinskaj vulicy Savieckaj u rajonie čyhunačnaha pierajezdu budzie abmiežavany ruch.
Padkreślivajecca, što hetaje mierapryjemstva źjaŭlajecca płanavym i pravodzicca štohod, jak praviła, u adnym-dvuch rajonach Homielskaj vobłaści.
