Znajści
Ałharytmičny łacinski varyjant
27.06.2022 / 16:33RusŁacBieł

Lidary G7 pa vynikach samitu: My budziem akazvać Ukrainie dapamohu stolki, kolki patrebna

Lidary krain «Vialikaj siamiorki» pa vynikach samitu ŭ Hiermanii abviaścili, što hatovyja akazvać Ukrainie finansavuju, humanitarnuju, vajskovuju i dypłamatyčnuju padtrymku stolki, kolki budzie patrebna. Pra heta havorycca ŭ ich sumiesnaj zajavie, piša «Jeŭrapiejskaja praŭda».

Fota: EPA/Sven Kanz

«My imkniomsia dapamahać Ukrainie padtrymlivać svoj suvierenitet i terytaryjalnuju cełasnaść, abaraniać siabie i vybirać ułasnuju budučyniu. Ukraina pavinna vyrašać adnosna budučaha mirnaha ŭrehulavańnia, volnaha ad źniešniaha cisku ci ŭpłyvu», — havorycca ŭ zajavie.

Lidary padkreślili, što krainy G7 praciahnuć kaardynavać namahańni dla zadavalnieńnia nadzionnych patreb Ukrainy ŭ vajskovaj i abaronnaj technicy.

«My taksama praciahniem akazvać Ukrainie materyjalnuju, vučebnuju i materyjalna-techničnuju, vyviedvalnuju i ekanamičnuju padtrymku dla raźvićcia jaje uzbrojenych siłaŭ», — havorycca ŭ zajavie.

Adznačajecca, što Ukrainu praciahnuć padtrymlivać u abaronie jaje sietak ad kibierincydentaŭ i ŭ śfierach enierhietyčnaj biaśpieki jadziernych materyjałaŭ i abjektaŭ, ekałohii i vodakarystańnia.

«Z metaj ustojlivaha paślavajennaha mirnaha ŭrehulavańnia my hatovyja dasiahnuć damoŭlenaściaŭ razam z zacikaŭlenymi krainami i ŭstanovami i Ukrainaj adnosna ŭstojlivych abaviazalnictvaŭ u śfiery biaśpieki, kab dapamahčy Ukrainie abaranić siabie, zabiaśpiečyć jaje svabodnuju i demakratyčnuju budučyniu i strymlivać budučuju rasijskuju ahresiju», — havorycca ŭ zajavie.

U samicie G7 pryniaŭ udzieł prezident Uładzimir Zialenski, jaki ŭ videazvarocie padziakavaŭ za ŭžo akazanuju padtrymku i raskazaŭ pra kroki, jakich čakaje ŭ budučyni.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera