Znajści
Ałharytmičny łacinski varyjant
29.06.2022 / 19:28RusŁacBieł

Pravilny mužčyna. Biełarus-dalnabojnik staŭ zorkaj TikTok

«Kali ty idzieš na zdradu, to viedaj, jana daviedajecca!» Prykładna taki źmiest pastoŭ dalnabojnika Illi Nazarava. Pravilny mužčyna, što niaźmienna staić na abaronie žančyn, nie pakinuŭ žančyn abyjakavymi.

Fota: ilianazarov00 / TikTok

U Illi amal 300 tysiač padpisčykaŭ u TikTok i 4,5 miljona prahladaŭ. Chłopiec pracuje kiroŭcam-mižnarodnikam, a ŭ pierapynkach zdymaje roliki z «pacanskimi cytatami» dla dziaŭčat.

Videa pačaŭ zdymać dzieści paŭhoda tamu, raspavioŭ Illa vydańniu Lampa. Spačatku ŭ jaho była inšaja tematyka, raźličanaja na mužčynskuju i žanočuju aŭdytoryi. Ale «zajšoŭ» tolki adzin rolik, dzieści na 100 tysiač prahladaŭ. Paśla hetaha Illa vyrašyŭ pierajści na kantent dla dziaŭčat.

@ilianazarov00#bieriehitiedruhdruha#bieriehitiesiebia♬ orihinalnyj zvuk - Video))

Ciapier u jaho 80% — žanočaja aŭdytoryja. Bolš za ŭsio jaho hladziać z Rasii. Błakavańnie TikTok u Rasii jaho taksama začapiła — nie tyja achopy, što raniej.

Samaja papularnaje jaho videa nabirała 3,5 młn prahladaŭ.

Trapnyja cytaty, jakija davodziać žančyn da śloz (jany tak i pišuć u kamientarach), Illa biare z knih, sa svajho žyćcia, a taksama dośviedu siabroŭ i siabrovak.

Zdajecca, jon znajšoŭ recept taho, što choča pačuć žančyna. «Mnohija dziaŭčaty chočuć vyjści zamuž za hodnaha čałavieka, ale samaje važnaje dla luboj dziaŭčyny — luboŭ da siabie. Kali łaska, praciahvajcie šukać nie čałavieka, a svoj zapał, svaju advahu, svaje mary, svaje mety. Daśledujcie siabie, pierš čym kahości inšaha. Mienavita tady vy budziecie bačyć roźnicu pamiž tym, što vam treba, i tym, što vy chočacie. Pierš čym akunacca ŭ kahości inšaha, navučyciesia naležać sabie», — raskryvaje Illa sakret svajho pośpiechu, vierahodna, cytatami sa svaich ža videa.

@ilianazarov00#bieriehisiebia♬ So Far - Ólafur Arnalds

Zrešty, jon zapeŭnivaje, što «zaŭsiody» prytrymlivajecca tych słoŭ, jakija pramaŭlaje na kamieru.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera