Znajści
Ałharytmičny łacinski varyjant
02.07.2022 / 20:11RusŁacBieł

Pratesty va ŭźbiekistanskim Karakałpakstanie pieramahli — rehijon nie buduć pazbaŭlać raniejšaj aŭtanomii

Pra heta paviedamiła pres-słužba prezidenta Uźbiekistana. Šaŭkat Mirzijojeŭ pryjechaŭ u horad Nukus, jaki staŭ centram pratestaŭ, i sustreŭsia ź miascovymi deputatami, pradstaŭnikami starejšaha pakaleńnia i aktyvam Karakałpakstana. Jon zapeŭniŭ ich, što ciapierašniaja redakcyja Kanstytucyi krainy ŭ artykułach, datyčnych aŭtanomii rehijona, mianiacca nie budzie.

Rašeńnie pryniataje «z ulikam taho, što praces abmierkavańnia źmianieńniaŭ i dapaŭnieńniaŭ u Kanstytucyju jašče praciahvajecca, a taksama na asnovie vyvučeńnia mierkavańniaŭ žycharoŭ Karakałpakstana», havorycca ŭ paviedamleńni.

Karakałpakstan — samy bujny rehijon Uźbiekistana na zachadzie krainy. Ciapier jon ličycca suvierennaj respublikaj u składzie Uźbiekistana z pravam vychadu ź jaho składu pa vynikach refierendumu. U novaj Kanstytucyi Uźbiekistana heta pałažeńnie prapanoŭvali vyklučyć.

Karakałpakstan zajmaje tracinu terytoryi Uźbiekistana. Bolš za 80 pracentaŭ płoščy rehijona — pustyni. Karakałpakstan raźmieščany ŭ dalinie raki Amudarji i dachodzić da bierahoŭ Aralskaha mora, paśla vysychańnia jakoha paŭnočna-zachodniaja častka vadajoma z-za ščołačnych solaŭ była abjaŭlenaja zonaj ekałahičnaj katastrofy.

Tut žyvie zvyš adnaho miljona 800 tysiač čałaviek, ź ich bolš za paŭmiljona — karakałpaki. Etnična i moŭna jany bolš blizkija da kazachaŭ, čym da ŭźbiekaŭ. Ułasna kazachi pavodle apošniaha pierapisu nasielnictva, jaki adbyvaŭsia ŭ Uźbiekistanie jašče pry SSSR, u 1989 hodzie, składali tracinu nasielnictva respubliki. Jakaja dakładnaja etničnaja situacyja tam ciapier — možna tolki zdahadvacca. 

14 śniežnia 1990 hoda parłamient Aŭtanomnaj Respubliki Karakałpakstan u składzie Uźbiekskaj SSR pryniaŭ Dekłaracyju ab dziaržaŭnym suvierenitecie, jakaja praduhledžvała poŭnuju niezaležnaść dziaržavy. Adnak urad Uźbiekistana ŭ 1993 hodzie padpisaŭ z Karakałpakstanam miždziaržaŭny dahavor terminam na 20 hadoŭ ab uvachodžańni Respubliki Karakałpakstan u skład Uźbiekistana. U pahadnieńni było ahavorana prava vychadu aŭtanomnaj respubliki z Uźbiekistana šlacham praviadzieńnia refierendumu. Ale ŭ 2013 hodzie, kali hety termin padyšoŭ da kanca, abiacańnie było prosta zabyta — va Uźbiekistanie była žorstkaja dyktatura Isłama Karymava, jaki nie zvažaŭ ni na narod, ni na zakony.

Čytajcie taksama: Va ŭźbiekistanskim Karakałpakstanie prachodziać masavyja pratesty

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera