Znajści
Ałharytmičny łacinski varyjant
05.07.2022 / 08:57RusŁacBieł

Ad 20 da 100 adsotkaŭ u plus. Jak źmianilisia ceny na techniku ŭ paraŭnańni ź lutym 

Pahladzieli, jak ad pačatku vajny źmianilisia ceny na bytavuju techniku i niekatoryja inšyja tavary. I znajšli pazicyju, jakaja stała tańniejšaj.

Televizary

Pa stanie na 4 lipienia, samaja tannaja prapanova na OLED televizar LG, dyjahanallu 55 calaŭ, składaje 3999 rubloŭ (1540$). U studzieni jaho minimalny košt byŭ 3344 rubli, ci 1286 dalaraŭ. Takim čynam, televizar za hety pieriad padaražeŭ pryblizna na 20%, jak u rublevym, tak i ŭ valutnym vyražeńni. (Biahučy kurs rubla adnosna dalara amal taki samy, jak i ŭ lutym. Raźlik viadziecca pa kursie 2,6 rubla za dalar). 

Fota tut i dalej: skrynšot z sajta onliner.by

Adnak plus 20 adsotkaŭ da cany — heta jašče drobiazi. Tak, naprykład, televizar Samsung dyjahanallu 32 cali, jaki ŭ lutym pradavali pa cenach ad 824 rubloŭ (kala 315$), ciapier kaštuje minimum 1197 rubloŭ (460$). Pryrost skłaŭ 45% ad davajennaj cany. 

Padobnaja situacyja z televizaram Xiaomi, jaki dadaŭ u canie bolš za 40 adsotkaŭ u paraŭnańni ź lutym. Da pačatku vajny jaho pradavali za 1512 rubloŭ, ci 580$, ciapier jaho možna nabyć minimum za 2139 rubloŭ (kala 790$).

Pralnyja mašyny

Adznačym, što značnamu padaražeńniu padvierhłasia nie tolki bytavaja technika zamiežnaj vytvorčaści, ale i rečy z paznakaj «zroblena ŭ Biełarusi».

Tak, pralnaja mašyna ATLANT, jakuju ŭzimku možna było nabyć za 768 rubloŭ (kala 295$), zaraz kaštuje 1029 rubloŭ (kala 395$). Takim čynam, ajčynnaja prałka padaražeła pryblizna na 34%.

Taksama na 34 adsotki padaražeŭ i chaładzilnik ATLANT, jaki zaraz pradajecca pa cenach ad 870 rubloŭ suprać 650 piaćciu miesiacami raniej.

Krychu lepš vyhladaje situacyja z pradukcyjaj biełaruskaha brenda GJeFEST. Naprykład, varačnaja panel, jakaja ŭ lutym kaštavała 366 rubloŭ (kala 140$), ciapier vystaŭlena za 438 rubloŭ, ci amal 170 dalaraŭ. Padaražańnie ŭ paraŭnańni ź lutaŭskaj canoj skłała kala 20 adsotkaŭ.

Mabilnyja telefony

«Narodny» iPhone 11 na 128 GB zaraz možna nabyć pa canie ad 1900 rubloŭ (730$), u toj čas jak u lutym hety smartfon pradavaŭsia za 1695 rubloŭ (kala 650$). Pryrost usiaho 12,3%. 

Amal nie źmianiłasia cana na iPhone 12 na 64 GB. U paraŭnańni ź lutym pryrost skłaŭ usiaho 50 rubloŭ. Ciapier hety smartfon kaštuje 2050 rubloŭ (kala 790$) zamiest 2000 piaćciu miesiacami raniej. 

U toj ža čas fłahman ad Apple — iPhone 13 Pro na 128GB — uvohule patańnieŭ i ciapier dasiažny pa cenach ad 3180 rubloŭ (1223$). Uzimku jon kaštavaŭ na 14,5 rubla daražej. 

Noŭtbuki

Noŭtbuk Lenovo, jaki zaraz kaštuje 2297 rubloŭ (kala 880$), u lutym možna było kupić za 1920 rubloŭ (kala 740$). Takim čynam, pryrost skłaŭ amal 20%.

Adna z madelaŭ noŭtbuka firmy HP, jakaja zaraz dasiažna pa canie ad 3918 rubloŭ (kala 1500$), u lutym była vystaŭlena za 2832 rubli (1100 dalaraŭ). Pryrost skłaŭ kala 38 adsotkaŭ.

Matornyja alei

Jašče adna hrupa tavaraŭ, na jakuju my vyrašyli źviarnuć uvahu, aproč techniki, — matornyja alei, jakija ŭžo niekalki miesiacaŭ u deficycie. 

Tak, naprykład, čatyry litry sintetyčnaha aleju Shell Helix HX8 5W-40 ciapier pradajucca pa cenach ad 150 rubloŭ (kala 58$), u toj čas jak u lutym taki samy tavar pradavali pa 79 rubloŭ (kala 30$) za 4 litry. Amal stoadsotkavaje padaražańnie.

Krychu mienš vyrasła cena na rasijski «Łukojł». Čatyry litry Genesis Universal 5W-40 dadali ŭ canie 75%: 39 rubloŭ (15$) u lutym suprać 68 (kala 26$) u lipieni.

Matorny alej Total 10W-40 da vajny pradavali pa 55 rubloŭ (21$) za 4 litry, ciapier minimalny košt u katałozie — 100 rubloŭ (38$).

Čytajcie taksama: 

Ad unitazaŭ da aŭtazapčastak. Jakija tavary zavoziacca ŭ Biełaruś pa šerych schiemach i kolki na hetym zarablajuć pasiaredniki

Da kanca lipienia suprać Rasii i Biełarusi mohuć pryniać siomy pakiet sankcyj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031