Znajści
Ałharytmičny łacinski varyjant
04.07.2022 / 22:17RusŁacBieł

Iran źmianšaje košt svajoj nafty, kab kankuravać z Rasijaj na rynku Kitaja

Iran vymušany źmianšać košt svajoj nafty, kab kankuravać z Rasijaj na rynku Kitaja. Pra heta piša Bloomberg sa spasyłkaj na trejdaraŭ.

Fota: pro100news.info 

«Iran vymušany źmianšać košt svajoj i biez taho tannaj nafty jašče bolš, pakolki hałoŭny sajuźnik atrymlivaje vialikuju aporu na klučavym kitajskim rynku. Kitaj staŭ važnym kirunkam dla rasijskaj nafty, pakolki Maskva imkniecca zachavać płyni paśla nastupstvaŭ jaje ŭvarvańnia va Ukrainu. Heta pryviało da ŭzmacnieńnia kankurencyi ź Iranam», — adznačaje ahienctva.

«Adzinaja kankurencyja pamiž iranskimi i rasijskimi barelami moža ŭźniknuć u Kitai, što budzie całkam na karyść Piekinu», — skazaŭ Vandana Chary, zasnavalnik Vanda Insights u Sinhapury.

«Heta taksama, vierahodna, prymusić vytvorcaŭ ź Piersidskaha zaliva zaniepakoicca, ubačyŭšy, što ichnija kaštoŭnyja rynki zachoplenyja syroj naftaj sa značnymi źnižkami», — dadaŭ jon.

Źnižka na iranskuju naftu pa etałonnaj marcy Brent składała 10 dalaraŭ za barel. Da pačatku ŭvarvańnia RF va Ukrainu i sankcyj u dačynieńni da rasijskaj nafty iranskaja nafta pradavałasia z dyskontam ad 4 da 5 dalaraŭ, dadaje Bloomberg. Pry hetym, sa słoŭ trejdaraŭ, bolš tannaja nafta ź Irana pavinna kankuravać z pastaŭkami rasijskaj Urals, jakija prybuduć na rynak Kitaja ŭ žniŭni 2022 hoda.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera