Kalininhradskija ŭłady prapanujuć błakavać lubyja hruzy praz Rasiju ŭ krainy Bałtyi, kali nie vyrašycca prablema z tranzitam
Ułady Kalininhradskaj vobłaści ŭ jakaści «krajniaj» miery ŭ adkaz na zabaronu tranzitu hruzaŭ praź Litvu prapanavali zabaranić uvoz i vyvaz lubych tavaraŭ u Rasiju i ź jaje praz krainy Bałtyi. Pra heta hubiernatar Anton Alichanaŭ zajaviŭ u efiry «Rasija 24», paviedamlaje RBK.
Fota: AP
«Heta značyć takim čynam my, pa sutnaści, zabaraniajem ruch hruzaŭ u bok Prybałtyki praz terytoryju Rasijskaj Fiederacyi, za vyklučeńniem Kalininhrada.
Ja maju na ŭvazie tranzitnyja hruzy, jakija išli, naprykład, z Azii praz Rasijskuju Fiederacyju ŭ party prybałtyjskija abo, naadvarot, niejkija inšyja mižnarodnyja hruzy, jakija prybyvali ŭ party Prybałtyki i potym ruchalisia albo ŭ Rasiju, albo praz našu krainu ŭ inšyja dziaržavy tranzitam», — rastłumačyŭ kiraŭnik Kalininhradskaj vobłaści.
Pavodle jaho słoŭ, miera «surjoznaja» i «samaja krajniaja», tamu što praca partoŭ vielmi važnaja dla litoŭskaj ekanomiki i «ŭskosnyja miery, jakija mohuć rušyć uśled za rasijskim rašeńniem, mahčyma, buduć značna bolš surjozny mieć efiekt».
Alichanaŭ pryznaŭ, što realizacyja «krajniaha rašeńnia» zapatrabuje «peŭnych vydatkaŭ» z boku rehijanalnaha kalininhradskaha i rasijskaha fiederalnaha biudžetaŭ. «Hetak ža, jak sankcyi ES majuć vydatki dla Jeŭrapiejskaha sajuza, našy miery ŭ adkaz taksama, chutčej za ŭsio, buduć mieć niejkija sustrečnyja vydatki», — skazaŭ kiraŭnik rehijona.
