Znajści
Ałharytmičny łacinski varyjant
06.07.2022 / 20:25RusŁacBieł

Pad Lisičanskam niekalki biełarusaŭ trapili ŭ pałon. Ci mohuć jany raźličvać na abmien? 

26 červienia hrupa biełarusaŭ z pałka Kalinoŭskaha apynułasia na šlachu značnaj kałony rasijskich vojskaŭ i dała boj. Častka bajcoŭ zahinuła, a častka — Siarhiej Dziohcieŭ i Jan Dziurbiejka — trapiła ŭ pałon. Rasijskija telehram-kanały apublikavali videa z pałonnymi biełarusami. Jaki los ich čakaje i ci mohuć kalinoŭcy raźličvać na abmien — spytalisia ŭ eks-udzielnika rasijska-ŭkrainskaj vajny Stanisłava Biazuški. 

Biełarus Jan Dziurbiejka, jaki trapiŭ u rasijski pałon.

Miesiac tamu rasijanie «asudzili» zamiežnikaŭ, jakija vajavali za Ukrainu, da rasstrełu. Havorka išła pra hramadzian Brytanii i Maroka. Tyja ludzi (jak i kalinoŭcy) nie byli nijakimi najomnikami — jany daŭno słužyli va Uzbrojenych siłach Ukrainy.

«Asudziŭšy» miesiacy tamu brytancaŭ i marakanca, rasijanie chacieli paćvierdzić svaju prapahandysckuju ustanoŭku dla ŭnutranaj rasijskaj aŭdytoryi, što Maryupal dva miesiacy abaraniali «najomniki». Akramia taho, toj sud byŭ instrumientam cisku na Vialikabrytaniju. 

Publicyst Stanisłaŭ Biazuška miarkuje, što naŭrad ci padobny «sud» u «DNR» ci «ŁNR» mahčymy ź biełarusami. Abmianiać ich taksama budzie ciažka. Jon miarkuje, što kalinoŭcaŭ prosta pieradaduć aficyjnamu Minsku. 

«U mianie zaŭsiody jość nadzieja, što ich zmohuć abmianiać. Ale my bačym, što hetyja pracesy iduć vielmi-vielmi ciažka. My bačym, što rasijski bok nie hatovy abmieńvać nie toje, što žyvych, a navat trupy jany nie hatovyja abmieńvać. Mnie zdajecca, dla taho, kab «dapamahčy» Łukašenku, ich pieradaduć u Respubliku Biełaruś dla pakazalnaha suda. Kab pakazać: pahladzicie, my zasudžvajem hetyja dziejańni, heta niapravilna, heta niapravilnyja biełarusy, i nie treba tudy jechać vajavać», — kaža publicyst. 

Jan Dziurbiejka. Skrynšot ź videa, zapisanaha ŭ rasijskim pałonie

Pa słovach Stanisłava Biazuški, navat kali niejkija abmieny pamiž rasijanami i ŭkraincami adbyvajucca — heta pracesy maksimalna zakrytyja i niepubličnyja. 

«Jość kaardynacyjny centr. Hetym pracesam kiruje Hałoŭnaje ŭpraŭleńnie raźviedki. Jany viaduć usie pieramovy. Jany havorać pra abmien tolki pa fakcie, kali jon užo adbyŭsia. U publičnuju płoskaść ničoha z hetaha nie vynosiać. Navat pa azoŭcach, dla taho, kab nie było lišnich emocyj i manipulacyj», — kaža Stanisłaŭ Biazuška. 

Sustreča z abmienienymi ŭkrainskimi vajskoŭcami. Fota: Iryna Vieraščuk

Na jahonuju dumku, heta pravilny padychod, bo raniej roznyja palityčnyja siły Ukrainy arhanizoŭvali vakoł abmienu pałonnymi cełyja šou. 

«Kab całkam prybrać emocyi, heta zaraz kantralujuć śpiecsłužby», — kaža publicyst.

Jon adznačaje, što niama navat nijakich «źlivaŭ» nakont pracesu abmienu ŭ presu. 

«Usio adbyvajecca pa vajskovych kanałach. Jak u ich adbyvajecca, jak jany damaŭlajucca, jakija śpisy jany vyznačajuć — my nie razumiejem. My možam pabačyć pa fakcie», — dadaje spadar Biazuška. 

U paviedamleńni pałka Kalinoŭskaha paviedamlałasia: «Pakolki naš bajec źjaŭlajecca kantraktnym vajskovasłužboŭcam, a nie najmitam, jon aficyjna zjaŭlajecca vajennapałonnym».

Pa zakonach Ukrainy na zamiežnych hramadzian, jakija słužać u šerahach Uzbrojenych siłaŭ Ukrainy, raspaŭsiudžvajecca pravavy status kambatantaŭ. Hety status nadzialaje ich pravam na abychodžańnie ź imi jak z vajennapałonnymi, kali jany patrapili ŭ ruki voraha. Heta značyć, što jany abaronienyja Ženieŭskaj kanviencyjaj. Heta pavodle mižnarodnaha prava.

Ale na praktycy rasijanie całkam ihnarujuć mižnarodnaje prava. I na los pałonnych kalinoŭcaŭ nijak nie paŭpłyvaje toj fakt, što ŭ ich byŭ kantrakt, miarkuje Stanisłaŭ Biazuška.

«Naprykład, brytancy, jakija patrapili ŭ pałon, byli kantraktnikami marskoj piachoty. I heta nie adyhrała nijakaj roli. Na ich pavinny byli raspaŭsiudžvacca pravy vajskoŭcaŭ, ale jany nie raspaŭsiudžvalisia. Ja dumaju, što ź biełarusami budzie toje samaje. Dla rasijan mižnarodnaje prava nie maje nijakaha značeńnia», — kaža publicyst. 

«Adziny šaniec, jaki jość u biełarusaŭ, što nie paśpiejuć uklučycca centry ŭpłyvu ŭ roznych śpiecsłužbach i ŭ Maskvie adnosna palityčnaha rašeńnia i chutka ŭdasca ich na miescy abmianiać, kali jość damoŭlenaści niepasredna pamiž kamandzirami tut i ciapier. Ale hety šaniec mizerny», — adznačaje Stanisłaŭ Biazuška. 

Čytajcie taksama:

Chto jon — pałonny kalinoviec Jan Dziurbiejka?

Raskazvajem pra biełarusa Siarhieja Dziohcieva — druhoha kalinoŭca ŭ pałonie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031