Instytut vyvučeńnia vajny: Rasija ŭziała apieratyŭnuju paŭzu
Amierykanski Instytut vyvučeńnia vajny (ISW) u štodzionnaj analityčnaj zvodcy ab chodzie vajny piša, što 6 lipienia ŭpieršyniu za 133 dni vajny nie było ni źviestak pra jakoje-niebudź prasoŭvańnie rasijskich vojskaŭ, ni aficyjnych zajaŭ pra heta, što moža śviedčyć pra toje, što rasijskaja armija ŭziała apieratyŭnuju paŭzu.
Fota: AP
«U hetym vypadku heta aznačaje, što rasijskija siły, chutčej za ŭsio, buduć abmiažoŭvacca drobnymi nastupalnymi dziejańniami, pakul jany stvarajuć umovy dla bolš prykmietnych nastupalnych apieracyj i adnaŭlajuć bajavyja siły», — pišuć analityki ISW.
Siarod hetych sprob atak paraŭnalna nievialikimi siłami ISW adznačaje napady na poŭnač i ŭschod ad Słavianska, ad Lisičanska ŭ bok Sievierska i z poŭdnia ŭ bok Bachmuta.
Ukrainskaja ž armija, pa mierkavańni ISW, sprabuje rychtavać kontrnastupleńnie na Chierson, bje pa rasijskich pazicyjach pad hetym horadam i naniesła ŭdar pa składzie bojeprypasaŭ na vakzale ŭ samym Chiersonie.
