Paraŭnali, kolki paliva možna kupić na siaredni zarobak u Biełarusi dy inšych krainach
Za pieršaje paŭhodzie 2022 hoda paliva ŭ Biełarusi padaražeła na 15%, a ŭ siarednim zarobku biełarusa stała na 79 litraŭ mieniej bienzinu. Analityki Picode praviali novaje daśledavańnie, pryśviečanaje cenam na bienzin u Jeŭropie i śviecie. Jany paraŭnali košt na paliva za pieršyja šeść miesiacaŭ 2022 hoda.
Pavodle raźlikaŭ Picode, sa studzienia pa červień 2022 hoda paliva ŭ Biełarusi padaražeła na 15% (z 2,1 rubla da 2,42 rubla za litr).
Pakupnickaja zdolnaść siaredniestatystyčnaha biełaruskaha zarobku źniziłasia. U červieni, pavodle padlikaŭ Picode, biełarus na siaredniestatystyčny zarobak moh kupić 558 litraŭ bienzinu, u studzieni — 637 litraŭ.
U pieršym paŭhodździ 2022 hoda bolšaść krain zafiksavała rekordny rost koštaŭ na bienzin.
Antylidaram stała Turcyja, dzie bienzin padaražeŭ u dva razy.
Rezkaje pavyšeńnie cen adčuli aŭtamabilisty Ukrainy (na 63,3%), Małdovy (na 53%) i Litvy (na 43,9%).
Kazachstan staŭ adzinaj krainaj u Jeŭropie i SND, dzie bienzin krychu patańnieŭ (-0,7%). Tam, darečy, samy tanny bienzin u Jeŭropie (hladzi infahrafiku).
U pieraliku na dalary bienzin u Biełarusi — adzin z samych tannych u Jeŭropie — 42-je miesca z 43 abranych krain i 0,71$ za litr.
Daražej za ŭsio zapraŭlacca aŭtamabilistam Narviehii (2,71 $/litr), Finlandyi (2,67 $/litr) i Danii (2,62 $/litr).
Ale niahledziačy na heta, siaredniestatystyčny narviežac moža dazvolić sabie 1416 ł bienzinu, fin — 1010 litraŭ, datčanin — 1502.
Litoviec moža dazvolić sabie mienš paliva, čym biełarus, — 530 ł, a palak užo bolš — 598 ł.
Ź mietadałohijaj padlikaŭ možna aznajomicca tut.
