Znajści
Ałharytmičny łacinski varyjant
17.09.2023 / 10:5033RusŁacBieł

Nahadajem našy praviły maderacyi kamientaryjaŭ. Jany niaźmiennyja z 2018 hoda

Nahadajem, što «Naša Niva» adkryła kamienty na sajcie, ale ŭ novaj, biaśpiečnaj formie.

U toj ža čas nam pa-raniejšamu składana dabivacca kultury dyskusii. My razumiejem čamu. U jutubie, «UKantakcie», tvitary mnohija ludzi pišuć z maciukami, spaborničajuć u abrazach, jakija ŭ tvar nie rašylisia b skazać, bo atrymali b mocny adkaz. I hetyja zvyčki ludzi pieranosiać na naš sajt. Dla nas heta nieprymalna.

Biełaruś tady budzie mocnaja, kali jana budzie kulturnaja. Kultura abaraniaje nacyju lepš za lubuju zbroju.

Praviły kamientavańnia

Nie buduć prymacca nastupnyja vykazvańni:

  1. Kamientaryi, jakija ŭtrymlivajuć nienarmatyŭnuju leksiku i nieprystojnaści.
  2. Kamientaryi, jakija ŭtrymlivajuć turemny žarhon.
  3. Kamientaryi, što ŭtrymlivajuć mižnacyjanalnyja, mižrelihijnyja dy inšyja vypady, taksama tyja, u jakich ź niehatyvam padkreślivajecca pachodžańnie ci nacyjanalnyja tradycyi, u jakich zamiest samanazvaŭ nacyj vykarystoŭvajucca mianuški (bulbašy, maskali, chachły, śviadomyja, rahuli, pšeki i h.d.).
  4. Kamientaryi, jakija staviać pad sumnieŭ prava biełarusaŭ na ŭłasnuju kulturu, movu, dziaržavu, a taksama ksienafobskija.
  5. Kamientaryi, u jakich vykazvajecca radaść z nahody zaviedama trahičnych padziej: śmierciaŭ, avaryj, katastrof, kali heta nie dapuščalny čorny humar.
  6. Kamientaryi, u jakich pierakručvajucca, abyhryvajucca imiony i proźviščy.
  7. Kamientaryi, jakija ŭtrymlivajuć zaŭvahi pra fizičnyja niedachopy ludziej — krytykujcie ŭčynki, a nie vyhlad (atłuścieły, pierakošanaja i h.d.).
  8. Kamientaryi, jakija ŭtrymlivajuć zakliki da hvałtu ci samasudu.
  9. Kamientaryi, jakija ŭtrymlivajuć dadumki pra intymnaje žyćcio hierojaŭ publikacyi.
  10. Kamientaryi, u jakich pravodzicca paraŭnańnie ludziej z žyviołami, jakoje zaviedama maje niehatyŭnuju kanatacyju: arłom nazyvać možna, šakałam ci baranam — nie.
  11. Kamientaryi, u jakich ludziej nazyvajuć złačyncami, pakul heta nie dakazana sudom.
  12. Pramyja i inšaskazalnyja pažadańni śmierci, pakutaŭ ci fizičnaha kalectva.
  13. Kamientaryi, u jakich abjekty, źjavy ci ŭčynki paraŭnoŭvajucca z pracesami čałaviečaj fizijałohii, dzie jość usiakija analnyja i fiekalnyja asacyjacyi.
  14. Kamientaryi, skiravanyja suprać «Našaj Nivy» ci asoby aŭtara. Aceńvajcie artykuł, a nie aŭtara.
  15. Biessensoŭnyja kamientaryi, fłud, spam.
  16. Nieapraŭdana doŭhija kamientaryi ci cytavańni. Jany mohuć vydalacca prosta tamu, što maderataru niama kali ich vyčytvać.
  17. Rekłamnyja paviedamleńni i kamientaryi, jakija staviać svajoj metaj tolki rekłamu tych ci inšych pierson, arhanizacyj, partyj, ruchaŭ. Hipierspasyłki na inšyja sajty (my, jak praviła, nie majem mahčymaści praviarać, što tam).
  18. Kamientaryi, jakija ŭtrymlivajuć asabistuju infarmacyju (adrasy, telefony, inšyja kantaktnyja źviestki).
  19. Sprečki z maderatarami, parady i abmierkavańnie rašeńniaŭ maderataraŭ.
  20. Kamientaryi, skiravanyja na dyskredytacyju «Našaj Nivy» (nie pluj u kałodziež).

Prosim trymacca hetych ža pravił pry kamientavańni na staronkach «Našaj Nivy» ŭ sacsietkach.

Kali vam zdajecca, što hetyja praviły nie dazvalajuć napoŭnicu vykazać vaša mierkavańnie, to ŭspomnicie pra mahčymaść padzialicca materyjałam u sacyjalnych sietkach — na ŭłasnaj staroncy vy možacie pisać što chočacie.

Svaboda słova — jana jak žyvaja vada. Davajcie nie brudzić krynicy, ź jakoj pjom.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
35
Панылы сорам
10
Ха-ха
8
Ого
1
Сумна
1
Абуральна
5
1
Nie chavajcie vočy, vidać chto vy taki!/adkazać/
17.09.2023
Pavažanaja redakcyja, kamientavańniu pieraškadžajuć nie praviły, a techničnyja pamyłki ŭ vas na sajcie, ab čym šmatkroć užo kazałasia.
Šmatlikija kamientary da redaktara prosta nie dachodziać.
Ale zamiest taho, kab prablemu pryznać i vypravić vy spasyłajeciesia na cenzuru - maŭlaŭ, nie toje pišacie, tamu i nie publikujem.
0
daviedka/adkazać/
17.09.2023
Svoj tolko tiekst nužno kopirovať, a nie vieś kod onłajn-pierievodčika...
2
a.hto.tam.idze/adkazać/
18.09.2023
A ci to traplaje pad praviły maderacyi imia ułasnaje, utvoranaje ad nazvy mužčynskaha čelesa, pry ŭmovie, što pišacca z zahałoŭnaj litary "Ch"?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera