Znajści
Ałharytmičny łacinski varyjant
02.08.2022 / 18:5738RusŁacBieł

«Ujaŭlajecie košt? I jakaja kraina jaho prymie?» Pra stvareńnie niezaležnaha biełaruskaha vojska za miažoj

Kirył Atamančyk, biełaruski aktyvist i vilenski pradprymalnik, ličyć, što stvaryć biełaruskaje vojska za miažoju kali nie nierealna, to vielmi składana. Pryvodzim jaho post.

Treniroŭka pałka «Pahonia». Fota: AP

1. Hrošy.

Adepty «biełaruskaha vojska» choć krychu ŭjaŭlajuć, kolki kaštuje sučasnaja armija? Da prykładu, biudžet litoŭskaj (adnoj z samych maleńkich armij NATA) prykładna 1 000 000 000 jeŭra. Ja nie liču pieršapačatkovyja inviestycyi na stvareńnie infrastruktury, zakupku zbroi i h.d. Śmieła dadavajcie siudy jašče niekalki miljardaŭ.

Mnie voś cikava, chto b prynamsi stolki zadanaciŭ na «biełaruskaje vojska»? Možna skazać: «Oj, nam stolki nie treba». A možna tady pacikavicca, kolki ž vam treba?

Ja zadavaŭ takija pytańni adeptam. Adkazu na hetaje pytańnie niama, jak niama i adkazu na toje, chto i adkul budzie brać hetyja srodki, a što jašče bolš važna, pad čyju adkaznaść?

2. Terytoryja.

I heta najbolš cikava. Ci mohuć padkazać adepty «biełaruskaha vojska», na jakoj terytoryi jano budzie mieścicca? Jakaja kraina prosta voźmie i raźmieścić u siabie paru dyvizij uzbrojenych biełarusaŭ, dy jašče stvoryć dla ich infrastrukturu, dzie možna pakinuć uzbrajeńnie (ciažkoje ŭzbrajeńnie, artyleryju, hielikoptary i samaloty)? Litva? Polšča? Łatvija? Užo baču, jak krainy NATA stanoviacca ŭ čarhu, aha. I jak jany heta buduć tłumačyć astatnim čalcam NATA, mižnarodnaj supolnaści i svaim vybarščykam? Ukraina? Ukraina ciapier navat udary pa terytoryi Biełarusi nie nanosić, klapaje vidosiki da «biełaruskich vajskoŭcaŭ» i robić usio, kab nie dražnić lišni raz Łukašenku.

Dy kalinoŭcaŭ našych jany taksama saljuć, kali heta budzie metazhodna.

Inšyja prapanovy?

3. Ludzi.

Dzie nabrać tysiačy žaŭnieraŭ ja jašče zrazumieju. Ramantyki padciahnucca. Hebisty padciahnucca. I heta fakt. A voś dzie znajści šmat aficeraŭ, pravodzić navučańnie, bajavoje zładžvańnie i h. d. — nie ŭjaŭlaju. I adna sprava na palihonach tusavacca, a inšaja sprava — pierachodzić z čužoj krainy dziaržaŭnuju miažu Biełarusi i dakazvać nie tolki biełarusam, ale i ŭsiamu śvietu, što heta nie akupacyja, nie terarystyčnyja hrupoŭki ci čort viedaje jašče što, a heta «nacyjanalna-vyzvolnaje vojska», jakoje, padobna, jak i «Taliban, pry padtrymcy Pakistana, prosta pryjšło vas usich vyzvalić». Uhu, cikava.

4. Lehitymnaść.

I voś z treciaha punktu naturalna vynikaje «lehitymnaść». Chto pradstaŭlaje hetaje vojska? Čałaviek, jaki «nie maje nijakaha značeńnia i nie lidar — Cichanoŭskaja» (heta ironija, kali što)? Kali nie jana, to chto? Chto hetych ludziej abiraje i pryznačaje? Chto niasie adkaznaść? Pry ŭsioj pavazie, ale navat va Ukrainie roznyja biełaruskija hrupy nie abjadnanyja, adciskajuć adzin u adnaho srodki i resursy, zmahajucca za ich. I heta ja dajšoŭ da punkta 4, choć viedaju, što navat punkt 1 nievyrašalny.

Mnie sapraŭdy skazali ŭ adnym z kamientaŭ: «Chto skazaŭ, što heta niemahčyma?» Dobraje pytańnie. Adkaz tut taki: łohika i zdarovy sens. Ale! U situacyi, kali ŭ rehijonie idzie paŭnamaštabnaja vajna, u jakoj vajujuć krainy NATA, Biełaruś, Rasija, Ukraina, to čysta tearetyčna takija voś Pałki Kalinoŭskaha mohuć uźnikać to tut, to tam. Ci vojska heta? Nie. Heta bajavyja hrupy, jakija nie buduć padparadkoŭvacca biełarusam. Ci siła heta? Tak. Ale znoŭ ža, my kažam pra situacyju faktyčna Treciaj suśvietnaj vajny. Ci chočam my Treciaj suśvietnaj? Mnie padajecca, što kožny adekvatny čałaviek na hetaje pytańnie adkaža «NIE».

Moža być, ja čahości nie ŭličyŭ? Moža być, adepty «biełaruskaha vojska» majuć niejki płan ci stratehiju, jakuju jany mohuć publična vynieści na hramadskaje abmierkavańnie? To kali łaska. Budzie cikava pasłuchać. I heta nie ironija.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
04.08.2022
Vy jeŝie sravnitie Riejhana i Bajdiena, znajetie hdie był by siejčas Putin pri Riejhanie? Užie davno by hnił.
04.08.2022
Słušajtie o čiem vy hovoritie?

Jeŝie nieskolko niediel nazad Mierkiel so vsiej otvietstviennosťju zajaviła, čto pravilno sdiełała, čto nie dała Ukrainie vstupiť v NATO. Im mnohim hłuboko naplevať na naši problemy.

Avtor staťji absolutno prav, i čtoby eti tiezisy potieriali aktualnosť, nado budiet mieniať riealnosť, načať kakije-to fundamientalnyje sdvihi. Dla načała v diasporach pora rabotať s nasielenijem stran ES i ubieždať ich v potriebnosti takoj biełorusskoj armii v izhnanii. T.ie. nado načať mieniať riealnosť. I tohda pohovorim ob takoj armii.
A poka jeŝie raz, avtor k sožaleniju prav, a łozunhi kalinovciev i Prokopjeva - hdie-to romantizm, hdie-to ubohij piar, hdie-to populizm.

28.08.2022
1)- Kalinovcy - eto voinskaja časť v sostavie VSU, śledovatielno oni mohut učastvovať v  osvoboždienii Biełarusi tolko pri usłovii rasformirovanija i sdači oružija.
2)- Dla priedotvraŝienija krovoprolitija i hraždanskoj vojny nieobchodimo,čtoby naša armija i siłovyje struktury pieriešli na storonu naroda. Po mojemu mnieniju eto hłavnaja zadača dla novoho siłovoho błoka  Tichanovskoj
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031