Znajści
Ałharytmičny łacinski varyjant
07.08.2022 / 12:547RusŁacBieł

«Tolki z Hiermanii, biez prabiehu pa Biełarusi». Jakija luksavyja aŭtamabili biełarusy pryhaniajuć dla pieraprodažu 

Pierahonščyki zajaŭlajuć, što ciapier vialiki popyt na darahija aŭto. A pradaŭcy staličnaha aŭtarynka «Malinaŭka» śćviardžajuć, što kala 80% kupcoŭ — z RF. «Naša Niva» vyrašyła pahladzieć, jakija luksavyja aŭtamabili biełarusy haniajuć na pieraprodaž dla klijentaŭ ź Biełarusi i Rasii.

Porsche Cayenne III

Samym darahim aŭtamabilem u prodažy z paznakaj «biez prabiehu pa RB» źjaŭlajecca Porsche Cayenne III, 2019 hoda vypusku. Aŭtamabil acenieny ŭ 106 000 dalaraŭ. Usiedarožnik pryjechaŭ da nas sa Štataŭ, aŭtamabil tam nabyli na aŭkcyjonie jašče ŭ kancy vieraśnia minułaha hoda. Pa infarmacyi, jakuju možna atrymać pa VIN-numary, aŭtamabil mieŭ lehkija paškodžani pa pravaj častcy kuzava.

Fota: skrynšot z sajta av.by

«Vydatny stan! Aŭtamabil ablepleny antyhravijnaj achoŭnaj plonkaj. Pakryty kieramikaj. Bahataja kamplektacyja! Mahčymy vyjezd da dylera albo na lubuju vašu STA», — apisvajuć pradaŭcy aŭtamabil.

BMW X5

Krychu tańniej, čym za 100 tysiač dalaraŭ, pradajuć trochhadovy BMW X5 z dyzielnym ruchavikom pad kapotam. Aŭtamabil pryhnany z Hiermanii, na fota ŭ abjavie jon usio jašče na niamieckich tranzitnych numarach. Pradaviec śćviardžaje, što aŭtamabil uvieś u zavadskoj farbie. Aproč heta źviartaje ŭvahu na datu pieršaj rehistracyi aŭtamabila, ź jakoj vynikaje, što ŭsiedarožnik u Hiermanii pačali ekspłuatavać z červienia 2019-ha. Praŭda, data vytvorčaści, zhodna z ukazanym u abjavie VIN-numaram, śviedčyć ab tym, što z kanviejera hety BMW syšoŭ u žniŭni 2018 hoda. Tamu vialikaja vierahodnaść, što ŭ biełaruskim techpašparcie ŭ hrafie «hod vypusku» źjavicca ličba 2018. 

Fota: skrynšot z sajta av.by

Tym nie mienš, mahčymaja niedakładnaść u pytańni hoda vypusku i daty pieršaj rehistracyi — nie adzinaja zaŭvaha da hetaj abjavy. Sprava ŭ tym, što ŭ apisańni paznačana, što ŭ hetaha BMW pad kapotam ruchavik abjemam 5.0. Na spravie, choć madel i maje nazvu 50d, ruchavik tam maje abjom 3 litry.

Fota: skrynšot z sajta av.by

BMW 7

Treciaje miesca pa darahoŭli taksama zajmaje aŭtamabil bavarskaj marki. Za 94 777 dalaraŭ u Minsku pradajuć BMW 7 sieryi 2020 hoda vypusku. Pad kapotam u «siamiorki» taksama trochlitrovy dyziel, tolki mienšaj mahutnaści, čym u Ch5, apisanym vyšej.

Fota: skrynšot z sajta av.by

Pradaviec adznačaje, što siedan znachodzica ŭ stanie novaha aŭto, maje aryhinalny prabieh i afarboŭku. Ź infarmacyi, jakuju ŭdałosia atrymać praz VIN, vyhladaje, što tak jano i jeść. Siarod inšaha pradaviec paznačyŭ, što moža dapamahčy z afarmleńniem mašyny na RF.

Fota: skrynšot z sajta av.by

Audi Q8

Nastupnyja try pazicyi pa darahoŭli zajmajuć adrazu try Audi Q8. 

Najdaražejšaja ź liku Q8 aceniena ŭ 93 600$. Stolki prosiać za śviežapryhnany aŭtamabil 2019 hoda vypusku z prabieham 101 tysiača kiłamietraŭ.

Fota: skrynšot z sajta av.by

«Vydatny stan, biez prabiehu pa RB. Maksimalnaja kamplektacyja S-Line», — havorycca ŭ apisańni da samaj darahoj Audi.

Dalej pa canie idzie šerah BMW X G05 pa cenach ad 75 da 84 tysiač dalaraŭ. 

Audi A6

Raznastajvaje vybar siarod usiedarožnikaŭ ad Audi Q8 i BMW X5 «zaradžany» siedan Audi A6 C8 S-line. Za aŭtamabil prosiać 68 tysiač dalaraŭ. U apisańni paznačana, što mašyna pradajecca ŭ Minsku, ale fota na tranzitnych numarach 4-ha rehijona zroblena ŭ Hrodnie.

Fota: skrynšot z sajta av.by

Pad kapotam u Audi 3-litrovy ruchavik. Pradaviec adznačaje, što mašyna biez prabiehu pa Biełarusi, i prosić sałony jaho nie turbavać.

Mercedes-Benz CLS

Na fonie mašyn z 3-litrovymi ruchavikami vyłučajecca Mercedes-Benz CLS 2018 hoda vypusku, pad kapotam u jakoha dyzielny ruchavik abjomam dva litry. Čatyrochhadovy Mercedes aceńvajuć u 67 500$. 

Fota: skrynšot z sajta av.by

Autamabil pryjechaŭ u Biełaruś ź Bielhii, u abjavie taksama paznačana, što jon biez prabiehu pa Biełarusi i RF.

«Bahataja kamplektacyja, vydatny stan, biezavaryjnaje minułaje», — havorycca ŭ apisańni. Pradaviec hatovy handlavacca.

Toyota Highlander IV

U śpisie darahich aŭto z paznakami «biez prabiehu pa RB» jość jašče adzin «bitok» sa Štataŭ. 

Za Toyota Highlander IV 2020 hoda vypusku prosiać 65 700$. U abjavie paznačana, što prabieh aŭtamabila składaje 7000 km, ale pa fota prybornaj paneli vidać, što mašyna prajechała jak minimum 8487 km. Roźnica nie istotnaja, tym bolš, što prabieh sapraŭdy vielmi maleńki, ale takija niedakładnaści ŭ pary z padmanam u apisańni nie dadajuć davieru.

Fota: skrynšot z sajta av.by

«Stan novaha aŭtamabila», — havorycca ŭ apisańni. Ale prostaja pravierka pa ŭkazanym VIN-numary vydaje, što ŭsiedarožnik, jaki nibyta znachodzicca ŭ novym stanie, paśpieŭ pabyvać u DTZ. 

Fota: skrynšot z sajta av.by

U sakaviku 2021 hoda jon byŭ pradadzieny na adnym sa strachavych aŭkcyjonaŭ u ZŠA. U jaho byli paškodžańni piaredniej levaj častki kuzava i dvuch dźviarej na baku kiroŭcy. Prabieh na toj momant składaŭ 3618 mil (kala 5822 km.)

Čytajcie taksama:

«Rasijanie vyvoziać mašyny cełymi aŭtavozami». Pierahonščyki mašyn uražany napłyvam klijentaŭ z Rasii 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
7
Ха-ха
12
Ого
5
Сумна
3
Абуральна
2
0
Satan/adkazać/
07.08.2022
dočka Satan'a, ja v Polšie v bordielach nie byvał, skazať čto-to nie mohu konkrietnoje. No naskolko ja v kursie, oni tut nielehalnyje, skryvajuŝijesia za vyvieskami nočnych kłubov i tam... i prostitucija, i narkota, i chz jeŝie na čto naporiešsia. Kak-to osoboho žiełanija v polskij bordiel jechať u mienia niet. V Čiechii žie zaviedienija etoho roda vpołnie lehalny i tam tiebie točno ničieho nie podsypiat v buchło da i narkotu ni razu nie priedłahali. Vsie kulturno i akkuratno.
0
SHOS/adkazać/
07.08.2022
Trassy v Polšie odnoznačno łučšie RB. S8 osobienno mnie nravitsia. V samich horodach po-raznomu. Po sabžu. Nu viezut i viezut. Ich dieło. Na 9 lamov nasielenija koniečno najdutsia pokupatieli. No v RB avtopark ubožiestvo połnoje v sravnienii s Polšiej. Pro kačiestvo topliva voobŝie łučšie promołčať
0
Maksim Dizajnier/adkazać/
08.08.2022
Och už eti biełarusiki, nastojaŝije mazochisty. Biez probieha po RB, no žiť i jezdiť na nich chotiat v RB
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930