Znajści
Ałharytmičny łacinski varyjant
06.08.2022 / 23:21RusŁacBieł

Čamu Izrail pieršym nanios udar pa siektary Haza i što pasłužyła padstavaj dla eskałacyi ŭ hety raz?

Izrail pačaŭ apieracyju «Śvitanak» i nanios udary pa siektary Haza. Palestyncy vypuścili niekalki sotniaŭ rakiet pa terytoryi krainy. Što pasłužyła padstavaj dla eskałacyi ŭ hety raz, piša «Novaja hazieta. Jeŭropa».

Rakiety, vypuščanyja palestynskimi bajevikami ŭ bok Izraila, 6 žniŭnia 2022 h. Fota: AR

Vojska Izraila ŭviečary 5 žniŭnia abviaściła ab pačatku apieracyi z kodavaj nazvaj «Śvitanak». Pa siektary Haza byli naniesieny rakietnyja ŭdary. U vyniku adnaho ź ich zahinuŭ kiraŭnik «Bryhady Al-Kuds» (bajavoje kryło «Isłamskaha džychadu» na poŭnačy siektara Haza) Tajsir Machmud Džabary. Adkaz nie prymusiŭ siabie doŭha čakać: terytoryja Izraila akazałasia pad rakietnym abstrełam.

Usiaho z učarašniaha dnia z Hazy zapuścili bolš za 200 rakiet u bok Izraila. U asnoŭnym pad abstreł traplaje paŭdniovaja častka krainy, adnak sireny taksama razdavalisia ŭ centry — u Ryšon-le-Cyjonie, Bat Jamie i Tel-Avivie.

Adna rakieta trapiła ŭ žyły dom u Sderocie, jaki miažuje z Hazaj. «Paškodžańni vielmi značnyja, my pačuli sihnał tryvohi i pabiehli ŭ schovišča», — skazaŭ haspadar.

Jašče adna rakieta ŭpała ŭ Aškiełonie.

Armija abarony Izrailu spravazdačyłasia ab napadzie na dva składy z bojeprypasami, jakija byli raźmieščany ŭ damach aktyvistaŭ vajenna-marskich sił «Isłamskaha džychadu» u siektary Haza. Taksama atakavany čatyry vajennyja pazicyi hrupoŭki, jaje navučalny kompleks, vajenny skład u Chan-Junisie i vajenny kompleks u Hazie. Napiaredadni CACHAŁ pryzvaŭ 25 tysiač reziervistaŭ.

U Izraili miedycynskuju dapamohu na hety momant akazali 21 žycharu. Ź ich dvoje atrymali lohkija ranieńni ad askiepkaŭ, 13 atrymali traŭmy, pakul biehli ŭ bambaschoviščy.

Pa źviestkach palestynskaha Ministerstva achovy zdaroŭja, u vyniku abstrełaŭ zahinuli 15 čałaviek. Siarod ich piacihadovaja dziaŭčynka, 23-hadovaja dziaŭčyna i lidar bajavoha kryła. 125 palestyncaŭ atrymali ranieńni.

Čamu Izrail pieršym nanios udar?

Paśla sieryi teraktaŭ viasnoj hetaha hoda, jakija zabrali žyćci 20 izrailcian, ministr abarony Bieni Hanc zajaviŭ ab pačatku apieracyi «Vałnarez» pa zatrymańni padazravanych u terarystyčnaj dziejnaści. 1 žniŭnia izrailskaje vojska aryštavała ŭ Dženinie (horad u Palestynskaj aŭtanomii na Zachodnim bierazie raki Iardan) adnaho ź lideraŭ «Isłamskaha džychadu» u Judei i Samaryi — Basam al-Saadzi.

Bajučysia eskałacyi na poŭdni krainy z-za aryštu, urad Izraila pryniaŭ rašeńnie ŭvieści asablivyja miery biaśpieki, pierakryć častku tras, zakryć plaž i ŭstanavić błokpasty vakoł siektara Haza.

«Novaja hazieta. Jeŭropa» parazmaŭlała sa starejšym navukovym supracoŭnikam Atlantic Council, byłym deputatam Knesieta Ksienijaj Śviatłovaj ab tym, što na hety raz pasłužyła padstavaj dla eskałacyi, pazicyi CHAMASa, a taksama prablemach z elektraenierhijaj u Hazie.

Ksienija Śviatłova, były deputat Knesieta, starejšy navukovy supracoŭnik Atlantic Council:

— Arhanizacyja «Isłamski džychad» dziejničaje nie tolki ŭ Hazie, jana dziejničaje i na Zachodnim bierazie. Jaje epicentr — heta Dženin. Z Dženina na praciahu ŭsioj viasny i raniej adzin za adnym vychodzili terarysty, jakija rabili terakty ŭ Izraili. Teraktaŭ mahło być jašče bolš, ale častku i ź ich udałosia pieraduchilić. Za imi pieravažna staić «Isłamski džychad». Tamu apieracyja [Izraila] faktyčna pačałasia z hetaha.

I aryšt u pačatku hetaha tydnia, u vyniku jakoha byŭ zatrymany adzin z hałoŭnych lidaraŭ hetaj arhanizacyi ŭ Dženinie pryvioŭ da taho, što Izrailu było zrazumieła, što «Isłamski džychad» vykarystaje mahčymaść, kali im heta budzie zručna i kali možna budzie nanieści maksimalnuju škodu dla taho, kab adpomścić za hety aryšt, zatrymańnie inšaha bajevika, zabojstva treciaha bajevika i hetak dalej. Jość suviaź pamiž Dženinam i Hazaj.

Na hety raz Izrail prosta abraŭ inšuju taktyku — nie čakać taho momantu, kali, naprykład, uzarvuć dziciačy sadok na miažy z Hazaj, abo vypuściać załpam supraćtankavyja rakiety pa jakim-niebudź zavodzie, kali tam buduć znachodzicca ludzi. Pry hetym ciaham apošnich dzion išli pieramovy. Navat učora ranicaj była nadzieja, što možna budzie niejak damovicca. U kančatkovym vyniku «Isłamski džychad» vystaviŭ vielmi vysokija patrabavańni pa vyzvaleńniu šerahu svaich ludziej ź izrailskich turmaŭ i inšym pytańniam, ale Izrail ich nie pryniaŭ.

Dalej było zrazumieła, što budzie eskałacyja. Tak, jaje moh pačać «Isłamski džychad». Ale heta jak z achviaraj chatniaha hvałtu, jakaja prychodzić u palicyju, a joj havorać: «Nu, ciabie jašče nie zabili? Voś kali zabjuć, tady i prychodź». Tut vyrašyli nie čakać takoha raźvićcia padziejaŭ.

— Čamu CHAMAS nie dałučyŭsia da vajennych dziejańniaŭ?

— Pamiž dvuma hetymi arhanizacyjam jość vielizarnaja roźnica, choć, pa sutnaści, jany abiedźvie isłamisckija arhanizacyi terarystyčnaha kštałtu — takimi jany pryznanyja ŭ Izraili, ZŠA i mnohich inšych krainach. Adnak CHAMAS — heta siła, jakaja na praciahu praktyčna 17 apošnich hadoŭ kiruje Hazaj. Jany niasuć adkaznaść za žyćcio dvuch miljonaŭ žycharoŭ.

Navat kali nadta chočacca, jany ŭstupajuć u niepramyja pieramovy ź Izrailem, kab, naprykład, vyrašyć pytańnie ab pracy palestynskich rabočych na terytoryi Izrailu. Hadami hetaha nie było, i sioleta jany atrymali 15 tysiač dazvołaŭ. Praktyčna ŭsie tavary, jakija iduć u Hazu, prachodziać praź Izrail. Tamu davodzicca ź Izrailem supracoŭničać.

CHAMAS na dadzieny momant zacikaŭleny nie ŭ čarhovaj vajnie — tym bolš naviazanaj u toj momant, kali jamu samomu heta nievyhodna. Jon zacikaŭleny ŭ adnaŭleńni Hazy — zrazumieła, što ŭ poŭnym abjomie heta niemahčyma, pakul vajna łunaje ŭ pavietry. Ale ŭsio ž na dadzieny momant jany zacikaŭleny ŭ niejkaj raŭnavazie.

«Isłamski džychad» — heta kreatura Irana. Heta arhanizacyja, jakaja na 100% isnuje za košt Irana i atrymlivaje ŭkazańni ad krainy, jakaja mnohich palestyncaŭ napružvaje, razdražniaje i nie ličycca lehitymnym partnioram. Na dadzieny momant hienieralny sakratar «Isłamskaha džychadu» Zijad an-Nachała znachodzicca ŭ Iranie.

CHAMAS — heta šyroki ruch z mahutnaj padtrymkaj palestynskaha nasielnictva. Ciapier jon nie źbiraŭsia raźviazvać vajnu i zrobić, na moj pohlad, usio mahčymaje, kab u jaje nie ŭstupać. Naturalna, dakładna hetaha viedać nielha: budzie zaležać ad taho, jak buduć vyhladać najbližejšyja hadziny. Čym bolš idzie apieracyja, tym bolšyja šancy, što ŭ kancy CHAMAS usio ž moža dałučycca, choć jamu i nie chočacca. Chacia vysnovy zaraz rabić rana.

— Jak palestyncy staviacca da «Isłamskaha džychadu»?

— Zrazumieła, što kali pačynajecca vajna i hinuć, naprykład, maleńkija dzieci — zaraz zahinuła piacihadovaja dziaŭčynka — mała chto budzie kazać, što heta «Isłamski džychad» vinavaty ŭ tym, što adbyłosia. Zrazumieła, što krajnim budzie Izrail. Ale asablivaha razumieńnia, navošta heta treba [u palestyncaŭ] zaraz niama. I jość taksama ŭśviedamleńnie taho, što heta vielmi mocna ŭdaryć pa tych ludziach, jakija i tak ź ciažkaściu vyžyvajuć. Tamu šyrokaj padtrymki i namiera rvacca ŭ boj u ich niama. Jość jašče stomlenaść ad letašniaj apieracyi, jakaja była ŭ mai 2021 hoda. Haza nie adnoŭlena, vajennyja mahčymaści CHAMASa nie adnoŭleny. Kaniešnie, palestyncy padtrymlivajuć zvyčajnych ludziej, jakija žyvuć u Hazie. Ale asablivaha zachapleńnia z nahody taho, što «davajcie ŭstaniem pad ściah «Isłamskaha džychadu»» — niama.

Pieraboi z elektryčnaściu ŭ Hazie

Adzinaja elektrastancyja Hazy ź siońniašniaha dnia budzie poŭnaściu adklučana z-za niedachopu paliva. Padača elektraenierhii skarocicca da čatyroch hadzin na dzień. U elektraraźmierkavalnaj kampanii Hazy zajavili, što adklučeńnie zakranie ŭsie žyćciova važnyja abjekty, i zaklikali žycharoŭ, miedustanovy, municypalitety i inšyja abjekty pryniać nieabchodnyja miery.

— Pieraboi z elektryčnaściu ŭ siektary Haza pačalisia ŭ 2006 hodzie paśla taho, jak CHAMAS zachapiŭ u pałon izrailskaha sałdata Hiłada Šalita, — raspaviadaje Ksienija Śviatłova. — Tady byŭ pieršy raz, kali razbambili elektrastancyju ŭ Hazie. Tamu štoraz, kali ŭźnikaje ahresiŭny fon, kali jość vajna, situacyja paharšajecca. Kali byli niejkija pieramovy nakont taho, kab dadać palestyncam u Hazie elektryčnaści (jany atrymlivajuć jaje tolki na praciahu niekalkich hadzin u sutki), to zaraz jany mohuć pazbavicca jaje naohuł. Mnie zdajecca, što heta stvaraje dadatkovuju nahruzku na CHAMAS, tamu što kali akažacca, što nie budzie mahčymaści ŭvieści ŭ Hazu «salarku» z-za vajennych dziejańniaŭ, i elektryčnaści nie budzie niekalki dzion, z-za čaho pacierpiać balnicy, dzie jość paranienyja i hramadzianskija asoby, heta ŭsio moža sadziejničać eskałacyi.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera