Va Ukrainie zastałasia tolki adna vobłaść, u jakuju za čas vajny ni razu nie «prylatała»
Pieršy namieśnik ministra ŭnutranych spraŭ Ukrainy Jaŭhien Jenin u ranišnim efiry nacyjanalnaha telemierafona 7 žniŭnia paviedamiŭ, što z pačatku vajny tolki ŭ adnu vobłaść Ukrainy nie było prylotaŭ. Hetaja vobłaść — Čarnavickaja.
«Kali kazać pra tyja vobłaści, jakija pakutujuć ad rasijskich snaradaŭ bolš za ŭsio, to heta Danieckaja, jakuju abstralali bolš za 3 tysiačy razoŭ, Łuhanskaja — 4 tysiačy razoŭ, Mikałajeŭskaja była abstralanaja 700 razoŭ. Zastajecca adna-adzinaja vobłaść, u jakuju, dziakuj Bohu, pakul nie prylatała, heta Čarnavickaja vobłaść», — paviedamiŭ Jenin.
Čarnavickaja vobłaść — samaja maleńkaja pa terytoryi va Ukrainie. Jana miažuje z Rumynijaj, krainaj NATA. Da Druhoj suśvietnaj vajny jaje terytoryja (histaryčna-kulturny rehijon Paŭnočnaja Bukavina), darečy, u skład Rumynii i ŭvachodziła, da siońniašniaha dnia kala 20% nasielnictva tam składajuć małdavanie i rumyny.
