Ziankovič pryznaŭ vinu pa ŭsich punktach abvinavačvańnia i vybačyŭsia pierad astatnimi zatrymanymi
Juryj Ziankovič zajaviŭ u sudzie, što pryznaje vinu pa ŭsich punktach pradjaŭlenaha jamu abvinavačvańnia, paviedamiŭ «Sputnik».
Fota: «Sputnik»
«Z-za taho, što ja drenna zrabiŭ svaju spravu, čaćviora maich siabroŭ trapili za kraty, i ja chacieŭ by paprasić u ich prabačeńnia», — skazaŭ jon.
Jon zajaviŭ sudu, što pryznaje vinu ŭsich punktach pradjaŭlenaha abvinavačańnia.
Na pytańnie prakurora ab tym, ci pryznaje jon siabie arhanizataram zmovy, Ziankovič adkazaŭ: «Nie asprečvaju».
Dajučy pakazańni pa sutnaści pradjaŭlenaha abvinavačvańnia, Ziankovič taksama źviarnuŭ uvahi suda na zakanadaŭstva ZŠA. Pavodle jaho słoŭ, usie videa, jakija jość u materyjałach spravy, stvaralisia na terytoryi ZŠA, a ŭ zakanadaŭstvie hetaj krainy niama pakarańnia za stvareńnie takoha videa.
Raniej stała viadoma, što Ziankovič zaklučyŭ ździełku sa śledstvam. Takim čynam jon staŭ adzinym z abvinavačanych, jakija pajšli na takuju ździełku.
Da hetaha ab pryznańni viny zajavili Alaksandr Fiaduta, Volha Hałubovič i Dzianis Kraŭčuk pa svaich punktach abvinavačvańnia. Lidar BNF Ryhor Kastusioŭ nie pahadziŭsia z abvinavačvańniem ni pa adnym punkcie.
Sud pa spravie «dziaržpieravarotu» pačaŭsia 29 lipienia.
Čytajcie taksama:
«Sprava zmoŭščykaŭ»: padrabiaznaści sustrečy Ziankoviča i «siłavika» ŭ restaranie
Fiaduta chudy, Kastusioŭ mocna chvory, a Ziankovič zmročny. Źjavilisia pieršyja videa i fota z suda
