Źjavilisia videa, na jakich vidać ślady vysokadakładnych udaraŭ ukrainskaj armii pa moście ŭ Novaj Kachoŭcy
U Siecivie źjavilisia pieršyja kadry ŭdaru USU pa moście praz Dniapro ŭ rajonie Kachoŭskaj hidraelektrastancyi. Heta druhi most, jaki złučaje rasijskuju hrupoŭku ŭ Chiersonie ź levym bieraham raki. Źviestki pra ŭdary pa moście paćviardžajuć i USU.
Most kala Kachoŭskaj HES u spraŭnym stanie. Fota ilustratyŭnaje
Raniej paviedamlałasia, što most u rajonie Kachoŭskaj HES nieprydatny dla vykarystańnia. Hetaja infarmacyja źjaviłasia ŭ śviežaj spravazdačy apieratyŭnaha kamandavańnia «Poŭdzień» US Ukrainy.
«Miž tym, naš ahniavy kantrol transpartna-łahistyčnych šlachoŭ na časova akupavanych terytoryjach Chiersonščyny pryvioŭ da zamacavańnia statusu mosta ŭ rajonie Kachoŭskaj HES, jak nieprydatnaha dla vykarystańnia. Papadańnie akuratnaje, ale dziejsnaje».
Raniej armija Ukrainy nieadnarazova nanosiła ŭdary pa Antonaŭskim moście praz Dniapro ŭ Chiersonie. Abodva masty vykarystoŭvalisia dla zabieśpiačeńnia vojskaŭ i horada.
