U Dubroŭnie zatrymali žonku palitźniavolenaha Michaiła Čamuraki, jaki źbieh z «chimii»
Dvoje supracoŭnikaŭ milicyi zavitali da žančyny damoŭ u pieršaj pałovie dnia i praviali pieratrus. Paviedamili, što ŭ miežach kryminalnaj spravy, adnak jakoj — nie skazali, piša «Viasna».
Ludmiła Čamuraka, jakaja maje ankałahičnaje zachvorvańnie, niekalki razoŭ zatrymlivałasia razam z mužam, była administracyjna pakaranaja. Raniej ułady pahražali zabrać u siamji dziaciej.
Michaił Čamuraka — aktyvist z Dubroŭna, asudžany na try hady abmiežavańnia voli z nakiravańniem u papraŭčuju ŭstanovu adkrytaha typu («chimija») pa kryminalnaj spravie ab paklopie (art. 188 KK).
26 listapada 2021 palitźniavoleny, jaki adbyvaŭ pakarańnie ŭ vaŭkavyskaj papraŭčaj ustanovie №29, zdoleŭ uciačy ź Biełarusi. Ciapier Michaił Čamuraka znachodzicca za miažoj i ŭ biaśpiecy.
